“E Faapefea Ona Outou Faalogo Ia te Ia?,” Mo le Malosi o le Autalavou, Mati 2022.
UpuFaaiu
E Faapefea ona Outou Faalogo ia te Ia?
Ata na tusia e Oksana Grivina
Faatasi ai ma le taitaiga toafilemu ua tatou maua mai le Agaga Paia, mai lea taimi i lea taimi, ua faamautinoa mamana ma patino mai e le Atua ia i tatou taitoatasi e faapea na te silafia i tatou ma e alofa ia i tatou. Ona oo lea i taimi o o tatou faigata, e toe aumaia e le Faaola i o tatou mafaufau nei aafiaga.
Mafaufau i lou lava olaga. O nei aafiaga e ono oo mai i taimi sili ona taua i o tatou olaga po o mea atonu e foliga mai i le taimi muamua o ni mea e tutupu e le masani ai. O nei taimi musuia faaleagaga e eseese taimi e oo mai ai ma i ni ala eseese, ua faapatinoina mo i tatou taitoatasi.
Sa faamatalaina e Iosefa Samita e faapea o nisi taimi tatou te maua ai ni “taaga faafuasei o manatu” ma o nisi taimi “o le tafe moni mai o le atamai.”1
I le tali atu a Peresitene Dallin H. Oaks i se alii faamaoni o le sa fai mai na te le’i maua lava sea ituaiga o aafiaga, sa fautuaina ai, “Atonu ua tali faafia mai au tatalo, ae na tamauina ou faamoemoega i se faailoga tele po o se leo leotele na’ua, ua e manatu ai e le’i i ai sau tali.”2
Sa tatou faalogo talu ai nei ia Peresitene Russell M. Nelson o saunoa mai: “Ou te valaaulia outou ina ia mafaufau loloto i ai e le aunoa, e uiga i lenei fesili autu: E faapefea ona outou faalogo ia te Ia? Ou te valaaulia foi outou e uia laasaga e faalogo lelei ai e le aunoa ia te Ia.”3