“O le a se mea e tatau ona ou faia pe a ou lagona e pei o au taumafaiga e faasoa atu le talalelei e le o faia se eseesega?,” Mo le Malosi o le Autalavou, Mati 2022.
Fesili ma Tali
“O le a se mea e tatau ona ou faia pe a ou lagona le pei o au taumafaiga e faasoa atu le talalelei e le o faia se eseesega?”
Mulimuli i le Faataitaiga a Keriso
“I se tasi taimi na fai mai ai lo’u faiaoga e le o i ai se Atua. Sa ou faitauina le Tusi a Mamona i aso uma ma sa ou iloa o le mea sa ia fai mai ai e le moni. Sa ou taumafai e faasoa atu lau molimau, ae sa lei faalogo o ia. Ua o’u aoaoina o a’u amioga e leotele atu nai lo au upu. E matua lagolagoina lava e a‘u uo o’u tulaga faatonuina. Latou te vaavaai mai pea ia te au aua o au o se tagata o le Ekalesia.”
Valeria F., 18, Honduras
Fesili mo se Fesoasoani
“E faitau selau auala e faasoa atu ai le talalelei. O nisi taimi o au taumafaiga silisili o le a le mautinoa le talisapaia ai o oe e au uo. E te le o i ai na o oe. Ole atu i lou Tama Faalelagi ma le Faaola mo se fesoasoani. Atonu e te mauaina se mea fou.”
Banri O., 15, Iapani
Ia Avea ma se Faataitaiga Lelei
“Ou te manatua pea le fautuaga a o‘u taitai: ’O le avea ma se faataitaiga o se tasi o auala sili e faasoa atu ai le talalelei.’ Afai tatou te taumafai e faia se faataitaiga lelei ma avea o se malamalama i isi, o le a faigofie atu mo i tatou ona faasoa atu le talalelei i le tele o tagata. O le avea ai ma se sui o Iesu Keriso e mafai ona aumaia faamanuiaga sili i o tatou olaga ma i latou o siomia i tatou.”
Bonnie Q., 16, Polivia
O la Latou Filifiliga Lena
“E tele taimi na teena ai au pe a ou faasoa atu le talalelei. O le mea moni, o nisi taimi ou te lagona ai le faanoanoa ona ou te le o vaaia ni taunuuga. Ua ou aoaoina e le o sou sese pe a le taliaina e tagata le talalelei. O la latou filifiliga, ma e tatau ona ou onosai. Mulimuli ane, o a‘u taumafaiga e ono faia ai se eseesega. E mafai ona ou tatalo mo tagata ou te valaauliaina i taimi uma.”
Cristina B., 18, Romania
Aoao Atu ma Faatino e Pei o Keriso
“E mafai ona tatou mafaufau i ni auala fou ma malie e faasoaina atu ai le talalelei. Mo se faataitaiga, e mafai ona tatou aoao mai le ala na talai atu ai Iesu Keriso e ala i faataoto ma faatinoga. O a tatou faatinoga e faaalia ai po o ai i tatou ma o tatou tulaga faatonuina.”
Johann S., 16, Polivia
Ia Onosai
“E tele taimi na teena ai au pe a ou faasoa atu le talalelei. O le mea moni, o nisi taimi ou te lagona ai le faanoanoa ona ou te le o vaaia ni taunuuga. Ua ou aoaoina e le o sou sese pe a le taliaina e tagata le talalelei. O la latou filifiliga, ma e tatau ona ou onosai. Mulimuli ane, o a‘u taumafaiga e ono faia ai se eseesega. E mafai ona ou tatalo mo tagata ou te valaauliaina i taimi uma.”
Cristina B., 18, Romania
Taumafai Pea
“O le tele o taimi pe a ou valaaulia a‘u uo e o mai i le lotu i Aso Sa, latou te teena le valaaulia. E faigata pe a teenaina, ae a o ou faitau i tusitusiga paia, ou te iloa o mea uma tatou te faia mo isi, tatou te faia mo Iesu Keriso. Ou te talitonu o le mauaina o le onosai o le ki lea. Tatou te le iloa lava pe o afea e mafai ai e upu tatou te faasoa atu ona faamanuiaina ai tagata.”
Valeria V., 14, Polivia
Tatalo mo i Latou
“O se auala faigofie e faasoa atu ai le talalelei o le faaali atu lea o lou alofa mo au uo. E mafai ona e tatalo mo le lototele e faasoa atu ai le talalelei. E mafai foi ona e tatalo mo i latou ina ia maua se malamalama sili atu i le savali o le talalelei.”
Yuria K., 18, Iapani