« Tū’atira’a », Nō te Pūai o te Feiā ’Āpī, Māti 2022.
Tū’atira’a
Adam L.
15 matahiti, Jamaica
Hōho’a nā Christina Smith
’Ua fa’a’ite mai tō’u nā metua iā’u nāhea ’ia riro mai te Mesia ra te huru. Tē tauturu noa nei rāua i te ta’ata ! ’Ia tāvini ana’e rāua i te ta’ata, ’aita rāua e amuamu. E fa’atura rāua i te mahana sābati ’ei mahana mo‘a. Tē pure ato’a nei rāua i te mau po’ipo’i ’e te mau pō ato’a.
Tē ha’api’i nei au i te tahi atu mau mea nō roto mai i tō’u nā metua. E ta’ata ’aravihi tō’u pāpā nō te pae ’anoihi. E ’aravihi ta’a ’ē mau tōna nō te pēni i te marumaru i te hō’ē pēnitara. ’Ia ha’amau vau i tā’u fā nō te ha’amaita’i i tā’u pēnira’a, e hi’o maita’i au iāna.
Te tahi atu ā ’ōpuara’a tā’u ’oia ho’i ’ia maita’i tā’u ha’api’ira’a. I te tahi taime, e fifihia vau i roto i te mau hi’opo’ara’a. I te hō’ē taime ’aita vau i ta’a fa’ahou, ’e ’ua pure au. I reira noa, ’ua māmāhia vau ’e ’ua tae mai te ’oa’oa. ’Ua ti’a iā’u ’ia rave i tā’u hi’opo’ara’a ma te fifi ’ore. ’Ua ’ite au ē, ’ua tauturu te Vārua Maita’i iā’u ’ia fa’aea i te mata’u.
I te hō’ē taime, ’ua ’āmui atu vau i te hō’ē ’ōpuara’a tāvinira’a nō te pēnira’a i te mau papa’i o te hō’ē fare ha’api’ira’a tāpiri noa mai iō’u. I te ha’amatara’a ’aita vau i hina’aro roa i te haere, i muri iho rā ’ua tae mai te mana’o maita’i nō te haere. I teienei, ’ia haere ana’e au nā mua i taua fare ha’api’ira’a ra, māhanahana roa tō’ū māfatu. ’Ua ’ite au ē, ’ua tauturu vau i te mau tamari’i i reira.