Pāhono ’āfaro atu

Nō te aha te Atua i taui ai i te i’oa o Iakoba ’o ’Īserā’ela ?

taure’are’a tamāhine

Hōho‘a pēni nā Keith Larson

E tamaiti Iakoba nā Isaaka ’e e mo’otua nā Aberahama. Mai ia rātou, e mau hina’aro parauti’a tō Iakoba ’e ’ua ’imi i te mau ha’amaita’ira’a a te Fatu.

I te hō’ē taime faufa’a rahi i roto i tōna orara’a, « ’ua taputō Iakoba i te hō’ē tītaura’a pāpū. ’Ua tāmatahia tōna ti’amāra’a. Nā roto i taua taputōra’a ra, ’ua ha’apāpū Iakoba e aha te mea faufa’a a’e nōna. ’Ua fa’a’ite ’oia ē, ’ua hina’aro ’oia ’ia vaiiho i te Atua ’ia upo’oti’a i roto i tōna orara’a. ’Ei pāhonora’a, ’ua taui te Atua i te i’oa o Iakoba, ’o ’Īserā’ela, te aura’a, ‘’a vaiiho i te Atua ’ia upo’oti’a’. I reira, ’ua fafau mai te Atua ia ’Īserā’ela ē, te mau ha’amaita’ira’a ato’a tei fa’ahitihia i ni’a i te upo’o o Aberahama, e riro ato’a ïa nōna » (Russell M. Nelson, « ’A vaiiho i te Atua ’ia upo’oti’a », ’āmuira’a rahi nō ’Ātopa 2020 [Ensign ’aore rā Liahona, Novema 2020, 92]). Te ravera’a i teie i’oa ’āpī ’o te hō’ē ïa tāpa’o nō te fāri’ira’a i te fafaura’a tā tōna metua tāne ’e pāpā rū’au i fāri’i.

’Ia bāpetizo-ana’e-hia tātou, e rave tātou i te mau fafaura’a. E fa’a’ite ato’a tātou ē ’ua ineine tātou nō te rave i te hō’ē i’oa ’āpī i ni’a iho ia tātou—te i’oa o Iesu Mesia. Hau atu, e riro mai tātou ’ei tuha’a nō te ’utuāfare o ’Īserā’ela—rātou tei rave i te mau fafaura’a ’e te Atua ’e ’ua fafau e « vaiiho i te Atua ’ia upo’oti’a » i roto i tō rātou orara’a. ’Ei reira te Atua e parau fafau mai ai i taua ā mau ha’amaita’ira’a ra tāna i fafau ia Aberahama, Isaaka, ’e Iakoba.