“Fakafehokotakí,” Ki Hono Fakamālohia ʻo e Toʻu Tupú, Māʻasi 2022.
Fakafehokotaki
Adam L.
15, Samaika
Laʻitā meia Christina Smith
ʻOku fakahaaʻi mai ʻe heʻeku ongomātuʻá ʻa e founga ke u anga faka-Kalaisi aí. ʻOkú na tokoniʻi maʻu pē ʻa e kakaí! Pea ʻi heʻena tokoniʻi e niʻihi kehé, ʻoku ʻikai ke na lāunga. ʻOkú na tauhi e ʻaho Sāpaté ke māʻoniʻoni. ʻOkú na toe fakahoko foki mo ʻena lotú ʻi he pongipongi mo e pō kotoa pē.
ʻOku ou ako ha ngaahi meʻa kehe mei heʻeku ongomātuʻá. Ko ha tokotaha tāvalivali lelei ʻeku tamaí. Kae tautautefito ki heʻene valivali ʻaki e peni vahevahé. Naʻá ku fokotuʻu ha taumuʻa ke fakatupulaki ʻeku ʻātí, ko ia naʻá ku siofi fakalelei ia.
Ko e taha ʻo ʻeku taumuʻá ke maʻu ha maaka lelei ʻi he akó. ʻOku ou faʻa hohaʻa he taimi ʻe niʻihi, ʻi he lolotonga ʻa e ngaahi siví. Naʻe ʻi ai ha taimi ʻe taha naʻe fuʻu kovi ʻaupito, ko ia naʻá ku lotu. Hili iá, naʻá ku ongoʻi ha maama mo ha loto fiefia. Naʻe lava ke u fakahoko e siví ʻo ʻika ke ʻi ai ha palopalema. ʻOku ou ʻilo naʻe tokoniʻi au ʻe he Laumālie Māʻoniʻoní ke ʻoua te u ongoʻi ilifia.
ʻI ha taimi ʻe taha, ne u kau ki ha ngāue tokoni ke tokoni ki hono vali e ngaahi holisi ʻo ha ʻapiako ofi mai pē. ʻI he kamataʻangá, ne ʻikai te u fie kau ki ai, ka naʻe kamata ke u ongoʻi lelei ange fekauʻaki mo ia. ʻI he taimi ní, ko e taimi pē ʻoku ou fakalaka ai ʻi he ʻapiako ko iá, ʻokú ne ʻai ke u ongoʻi ʻoku ou makehe. ʻOku ou ʻilo naʻá ku tokoniʻi ʻa e fānau ʻi aí.