Huko Cagayan, Ufilipino

Magandang araw! Kamusta?
(Hiyo ina maana “Siku njema! Habari gani?” ki Taglog.)

Jina langu ni Agravain L.

Ninatoka kwenye mji mdogo huko Cagayan katika Ufilipino. Ninaishi na bibi wa bibi yangu, na babu wa bibi yangu, bibi yangu, mama yangu, na dada zangu wawili Ndio, hakika tuna familia kubwa! Hiyo ni kawaida sana hapa Ufilipino. Wafilipino wanajulikana kwa kuwa na uhusiano thabiti wa kifamilia. Hiyo ndiyo sehemu ninayoipenda zaidi juu ya kuishi hapa. Hali ya hewa ya kitropiki ni ziada tu!

Burudani ninazopenda ni kusoma majarida na kusikiliza podcast na muziki wa kuinua. Napenda pia kuandika barua zilizoelekezwa kwa mimi wa baadaye, mume, na watoto!

Kusoma na Kushiriki

Sehemu ninayopenda zaidi juu ya kuwa muumini wa Kanisa la Yesu Kristo la Watakatifu wa Siku za Mwisho ni ufahamu wa kwamba mimi niko katika Kanisa la kweli la Kristo. Ninapenda kutembelea hekalu, kushiriki injili, na kwenda seminari na marafiki zangu. Ninajifunza mengi kutoka kwa uzoefu huu wote.

Ninajitahidi wakati mwingine na kuvumilia hadi mwisho. Lakini ninajitahidi kadiri niwezavyo kusoma maandiko yangu kila usiku. Njoo, Unifuate inasaidia masomo yangu binafsi sana! Ninapenda pia kusoma hadithi kutoka kwa vijana wengine kwenye majarida ya Kanisa. Ninatumia programu ya Maktaba ya Injili ili niweze kuwa na ujumbe wa kuinua mfukoni, bila kujali niko wapi.

Marafiki zangu wengi shuleni ni waumini wa Kanisa. Nilikuwa nikifikiri hiyo ilimaanisha sikuwa na fursa yoyote ya kushiriki injili. Lakini nimejifunza kuwa kushiriki injili sio lazima kuwa na watu kutoka imani tofauti. Ninapenda kushiriki ushuhuda wangu na rafiki yangu mkubwa shuleni, na yeye pia ni muumini!

siku ya sabato.

Nyumba yetu iko mbali na Kanisa, kwa hivyo mimi na dada yangu tunapaswa kupanga mapema kufika kwenye mikutano yetu kwa wakati (au mapema, tunatumai)!

Tunaamka saa 10:00 asubuhi na tunatembea hadi nyumbani kwa shangazi yangu, ambako ni njiani kuelekea Kanisani. Tunabadilisha nguo zetu za kutembelea na kuvaa za kanisani. Kisha tunatembea tena kwa dakika nyingine 30 kufika kwenye jengo la Kanisa (au wakati mwingine dakika 25 ikiwa tunatembea kwa kasi sana). Kwa sababu tunajiandaa kwa ajili ya Jumapili kabla ya wakati, hatujachelewa kamwe! Naam, karibu mara zote. Barabara huwa na matope sana wakati wa mvua. Wakati mmoja ilinyesha sana kwamba nilikwama kwenye tope na sikuweza kusogea!

Lakini yote ni ya thamani mara tu tutakapofika kanisani. Ninahisi amani na furaha kuzungumza juu ya injili na kueneza habari njema za Mwokozi wetu. Ninapenda kushiriki ushuhuda wangu kwenye mkutano wa mfungo na ushuhuda! Madarasa yangu ya Shule ya Jumapili pia ni mahali pazuri kushiriki umaizi wangu kuhusu injili ya Yesu Kristo na kujifunza kutoka kwa wengine pia.