Maswali na Majibu

“Nifanye nini wakati ninapohisi juhudi zangu za kushiriki injili hazileti tofauti?”

“Mwamini Bwana kutenda miujiza Yake. … Usikatishwe tamaa mtu asipokubali ujumbe wa injili mara moja. Sio kushindwa binafsi. Hiyo ni kati ya mtu binafsi na Baba wa Mbinguni. Kazi yako ni kumpenda Mungu na jirani zako, watoto Wake.”

Mzee Dieter F. Uchtdorf wa Akidi ya Mitume Kumi na Wawili, Aprili 2019 mkutano mkuu (Ensign au Liahona,, Mei 2019, 17).

Fuata Mfano wa Kristo

“Wakati mmoja mwalimu wangu alisema Mungu hayupo. Nilikuwa nikisoma Kitabu cha Mormoni kila siku na nilijua kile alichokuwa akisema hakikuwa kweli. Nilijaribu kushiriki ushuhuda wangu, lakini hakuwa ananisikiliza. Nimejifunza matendo yangu yanazungumza zaidi kuliko maneno yangu. Marafiki zangu wananiunga mkono sana katika viwango. Daima wananiangalia kwa sababu mimi ni muumini wa Kanisa.

Valeria F., 18, Honduras

Omba Msaada

Kuna mamia ya njia za kushiriki injili. Wakati mwingine juhudi zako zote hazitakuhakikishia kwamba rafiki zako watakuunga mkono. Hauko peke yako. Omba msaada kwa Baba yako wa Mbinguni na Mwokozi. Unaweza kugundua kitu kipya.”

Banri O., 15, Japan

Kuwa Mfano Mzuri

“Daima nakumbuka ushauri wa viongozi wangu: ‘Kuwa mfano ni mojawapo ya njia bora ya kushiriki injili.’ Ikiwa tunajitahidi kuweka mfano mzuri na kuwa nuru kwa wengine, itakuwa rahisi kwetu kushiriki injili na watu wengi. Kuwa mwakilishi wa Yesu Kristo kunaweza kuleta baraka kubwa maishani mwetu na kwa wale wanaotuzunguka.

Bonnie Q., 16, Bolivia

Ni Uchaguzi Wao

“Nimekataliwa mara nyingi wakati nimeshiriki injili. Kusema kweli, wakati mwingine ninahisi huzuni kwa sababu sioni matokeo yoyote. Nimejifunza kwamba sio kosa langu wakati watu hawakubali injili. Ni uchaguzi wao, na napaswa kuwa mvumilivu. Baadaye juhudi zangu zinaweza kuleta mabadiliko. Ninaweza kuwaombea watu ninaowaalika kila wakati.

Cristina B., 18, Romania

Fundisha na Utende Kama Kristo

Tunaweza kufikiria njia mpya, za kufurahisha za kushiriki injili. Kwa mfano, tunaweza kujifunza kutoka kwenye njia ambayo Yesu Kristo alihubiri kupitia mifano na vitendo. Matendo yetu yanaonyesha sisi ni akina nani na viwango vyetu.”

Johann S., 16, Bolivia

Kuwa Mvumilivu

“Nimekataliwa mara nyingi wakati nimeshiriki injili. Kusema kweli, wakati mwingine ninahisi huzuni kwa sababu sioni matokeo yoyote. Nimejifunza kwamba sio kosa langu wakati watu hawakubali injili. Ni uchaguzi wao, na napaswa kuwa mvumilivu. Baadaye juhudi zangu zinaweza kuleta mabadiliko. Ninaweza kuwaombea watu ninaowaalika kila wakati.

Cristina B., 18, Romania

Endelea kujaribu

Mara nyingi ninapowaalika marafiki zangu kuja kanisani Jumapili, hukataa mwaliko. Ni ngumu kukataliwa, lakini ninaposoma maandiko, najua kwamba kila kitu tunachofanya kwa wengine, tunamfanyia Yesu Kristo. Ninaamini kwamba kuwa na uvumilivu ndio ufunguo. Hatuwezi kujua ni lini maneno tunayoshiriki yanaweza kuwabariki watu.”

Valeria V., 14, Bolivia

Sali kwa Ajili Yao

“Njia rahisi ya kushiriki injili ni kwa kuonyesha upendo wako kwa marafiki zako. Unaweza kusali kwa ajili ya ujasiri wa kushiriki injili. Unaweza pia kuwaombea wawe na uelewa mzuri wa ujumbe wa injili.”

Yuria K., 18, Japan

Majibu yanakusudiwa kwa ajili ya msaada na mtazamo, si kama matamko rasmi ya mafundisho ya Kanisa.

Unafikiria Nini?

“Ninawezaje kuwasaidia marafiki zangu ambao hawashiriki kikamilifu Kanisani kuimarisha ushuhuda wao?”

Tuma jibu na picha yako kufikia Aprili 15, 2022.

Nenda kwenye ftsoy.ChurchofJesusChrist.org na bofya “Wasilisha Kazi Yako.” Ingia kwa kutumia Akaunti yako ya Kanisa kisha uchague “Kwa Ajili ya Nguvu kwa Vijana” kwenye sehemu ya “Chagua Gazeti.” Bofya “Ongeza Faili” ili uchague faili na picha zako, kisha ubofye “Wasilisha” ili upakie na utume faili lako. Au tuandikie barua pepe kwenye [e-mail].

Majibu yanaweza kuhaririwa kwa ajili ya urefu au ufafanuzi.