« ហេតុអ្វីបានជាព្រះប្តូរឈ្មោះរបស់យ៉ាកុប ទៅជាអ៊ីស្រាអែល ? » ដើម្បីកម្លាំងនៃយុវជន ខែ មីនា ឆ្នាំ ២០២២ ។
ចំទៅនឹងគោលដៅ
ហេតុអ្វីបានជាព្រះប្តូរឈ្មោះរបស់យ៉ាកុប ទៅជាអ៊ីស្រាអែល ?
គំនូរដោយ ឃីថ ឡាសុន
យ៉ាកុបគឺជាកូនប្រុសរបស់អ៊ីសាក និងជាចៅប្រុសរបស់អ័ប្រាហាំ ។ ដូចជាពួកលោកដែរ យ៉ាកុបមានបំណងប្រាថ្នាសុចរិត ហើយបានស្វែងរកពរជ័យពីព្រះអម្ចាស់ ។
នៅគ្រាដ៏សំខាន់មួយនៅក្នុងជីវិតរបស់លោក « យ៉ាកុបបានប្រឈមមុខនឹងឧបសគ្គមួយដ៏ធ្ងន់ធ្ងរ ។ សិទ្ធិជ្រើសរើសរបស់លោកត្រូវបានសាកល្បង ។ តាមរយៈការប្រឈមមុខនេះ យ៉ាកុបបានបញ្ជាក់ឲ្យឃើញពីអ្វីដែលសំខាន់បំផុតចំពោះលោក ។ លោកបានបង្ហាញថា លោកស្ម័គ្រចិត្តទុកឲ្យព្រះឈ្នះនៅក្នុងជីវិតរបស់លោក ។ ជាចម្លើយតបមកវិញ ព្រះបានប្តូរឈ្មោះរបស់យ៉ាកុបទៅជា អ៊ីស្រាអែល មានន័យថា ‹ ទុកឲ្យព្រះឈ្នះ › ។ បន្ទាប់មក ព្រះបានសន្យានឹងអ៊ីស្រាអែលថា ពរជ័យ ទាំងអស់ ដែលបានប្រទានលើក្បាលរបស់អ័ប្រាហាំក៏ជាពរជ័យរបស់លោកដែរ » ( រ័សុល អិម ណិលសុន « Let God Prevail » សន្និសីទទូទៅ ខែ តុលា ឆ្នាំ ២០២០ [ Ensign ឬ Liahona ខែ វិច្ឆិកា ឆ្នាំ ២០២០ ទំព័រ ៩២ ] ) ។ ការទទួលយកឈ្មោះថ្មីនេះ គឺជាទីសម្គាល់មួយនៃការទទួលយកសេចក្ដីសញ្ញា ដែលឪពុក និងជីតារបស់លោកបានទទួលយកដែរ ។
នៅពេលយើងទទួលបុណ្យជ្រមុជទឹក នោះយើងចុះសេចក្ដីសញ្ញា ។ យើងក៏បង្ហាញថា យើងស្ម័គ្រចិត្តលើកដាក់មកលើខ្លួនរបស់យើងនូវឈ្មោះថ្មីមួយ—គឺជាព្រះនាមនៃព្រះយេស៊ូវគ្រីស្ទ ។ លើសពីនេះ យើងក្លាយជាផ្នែកមួយនៃវង្សអ៊ីស្រាអែល—ជាអ្នកដែលបានចុះសេចក្ដីសញ្ញាជាមួយនឹងព្រះ ហើយបានសន្យាថា « ទុកឲ្យព្រះឈ្នះ » នៅក្នុងជីវិតរបស់យើងផងដែរ ។ បន្ទាប់មក ព្រះសន្យានឹងយើងនូវពរជ័យដូចគ្នា ដែលទ្រង់បានសន្យានឹងអ័ប្រាហាំ អ៊ីសាក និង យ៉ាកុបដែរ ។