“Konek,” Blong Ol Yut Oli Kam Strong, Maj 2023.
Konek
Rikuto I.,
16, Japan
Foto i kam long Sayaka Okubo
Nem blong mi i Rikuto, mo mi blong Matsudo Siti, Japan.
Long taem blong wan famli haos naet aktiviti, mi yusum Famli Tri ap blong lanem huia ol bubu blong mi blong bifo mo laef blong olgeta i bin olsem wanem. Mi bin sapraes blong lanem se wan long ol bubu blong mi i bin wan man kalvari we i stap lukaotem wan Japanis king we i laef long taem bifo.
Mi laekem plei futbol, be from mi wan memba blong Jos Ia blong Jisas Kraes blong Ol Lata- Dei Sent, mi no wantem plei long ol Sandei. I bin hat long mi blong talem long Koj blong mi se bae mi no save praktis long Sandei, be taem mi eksplenem se mi stap go long jos, hem i letem mi yet blong joenem tim.
Stat long taem we mi stap mestem ol praktis blong Sandei, ol memba blong tim oli no save trastem level blong skil blong mi. Mi prea se bae mi putum ful tingting mo plei gud long taem blong praktis, from mi no save gat plante taem blong praktis olsem ol narafala memba blong tim. Taem faenol tunamen i kam kolosap, oli invaetem mi blong tekpat long gem. Mi save God i helpem mi blong kasem gol ia.