“Olsem wanem mi save helpem ol fren blong mi we oli no aktiv insaed long Jos oli kam strong?,” Blong Ol Yut Oli Kam Strong, Maj 2023.
Ol Kwestin mo Ol Ansa
“?Olsem wanem mi save helpem ol fren blong mi, we oli no aktiv insaed long Jos, blong oli save mekem testemoni blong olgeta i kam strong moa?”
Stap Wan Blesing long Ol Narafala Man
“Taem mi traem blong helpem wan fren blong mekem testemoni blong hemwan i kam strong, mi traem blong kam wan blesing mo sapot long laef blong hem. Mi traem blong kam wan eksampol mo soem long hem se gospel blong Kraes i save mekem frensip blong hem i kam strong mo famli rilesensip blong hem sapos hem i traem blong stap obei mo kam stret gud. Mi laekem blong helpem hem i filim lav.”
Selina O., 19, Bolivia
Oltaem Invaetem
“Yu save tijim ol fren blong yu abaot lav mo bigfala sore blong Jisas Kraes mo olsem wanem Hem i save helpem olgeta. Invaetem olgeta blong go long Jos mo stap long yut klas wetem yu. Hemia i save helpem olgeta blong developem wan strong testemoni blong Jisas Kraes.”
Shara R., 12, Kolombia
Stap Wan Fren blong Olgeta Faswan
Mi oltaem traem blong andastanem mo mekem sua se ol fren blong mi i save se mi stap tingbaot long olgeta. Mi save se mi save kam wan laet long olgeta taem mi holemtaet frensip mo lav blong mifala. Mi save invaetem ol fren blong mi long ol Jos aktiviti, be faswan oltaem mi mi tru fren blong olgeta. Ol fren blong yu bae oli mekem testemoni blong olgeta i kam strong taem oli luk kaen eksampol mo sapot frensip blong yu.
Mia D., 19, Florida, YSA
Kraes Bae I Helpem Yu
“I no isi blong gat ol les-aktiv fren, be mi laekem blong invaetem ol fren blong mi long wan gud taem aktiviti blong ol yut o jos taem mi mi givim wan toktok. Sapos oli intres, mi givim long olgeta wan Buk blong Momon wetem testemoni blong mi mo haelaetem ol ves we oli gat mining long mi. Tingbaot, Kraes bae i helpem yu long eni situesen.”
Elizabeth B., 15, Florida, YSA
Stap Kaen Nomo
“Mi askem seminari tija blong mi kwestin ia. Hem i se, Stap kaen nomo, Jordan Yu stap mekem raet samting finis.’ Faswan, mi ting se, Stap kaen nomo i no inaf.’ Be afta mi tingting abaot fren blong mi we i nidim frensip mo eksampol blong mi. Spirit i bin helpem mi blong stap kaen mo save wanem blong talem. !Noaia, hem i wantem blong kasem baptaes wan dei!”
Jordan S., 17, Yuta, YSA