“Katoma,” Ibukin Kakorakoraia Kairake, Maati 2023.
Katoma
Rikuto I.,
16, Japan
Tamnei iroun Sayaka Okubo
Arau bon Rikuto, ao ngai kain te Kaawa ae Matsudo, Japan.
N tain te waaki ni kakukurei n te kainutu n te tairiki, I kabongana te Family Tree app n reiakina bwa antai au bakatibu ao aekakira aron maiuia. I kubanako ngke I a ataia bwa temanna au bakatibu bon te tautia are e toka iaon te aoti are e riki bwa te tia tararua te embera i Tiaban are e maiu n ririki aika a bwakanako.
I tatangira te butibooro, ma ibukina bwa ngai kain ana Ekaretia Iesu Kristo ibukiia Aika Itiaki ni Boong aika Kaitira, I aki tangiria n takakaro n te Tabati. E bon kangaanga irou bwa N na tuanga au tia kairiiri bwa I aki kona ni ira te kataneiai n te Tabati, ma ngke I kabwarabwara are N na taromauri, e teimatoa ni kariaia bwa N na kaina te tiim.
Ngkai I aki iriira te kataneiai n te Tabati, kain au tiim aki onimakina au konabwai. I tataro bwa N na kabotoa au iango ao n takakaro raoi n tain te kataneiai, ngkai e aki mwaiti au tai ni kataneiai n ai aroia ake nikiraia kain te tiim. Ngke e a roko te kabanea ni kaboo, I a kaoaki bwa N na ira te takakaro. I ataia bwa te Atua e buokai ni karekea te kouru anne.