“N na kanga ni kona riki ni buokiia raoraou aika aki bati ni kakaonimaki n te Ekaretia ni kakorakorai aia koaua?,” Ibukin Kakorakoraia Kairake, Maati 2023.
Titiraki ao Kaekaia
“N na kanga ni kona riki ni buokiia raoraou aika aki bati ni kakaonimaki n te Ekaretia ni kakorakorai aia koaua?”
Riiki bwa te Kakabwaia nakoia Tabeman
“Ngkana I kataia ni buoka kakorakoraan ana koaua raoraou, I kataia n riki bwa te kakabwaia ao ni boutoka inanon maiuna. I kataia n riki bwa te banna ni katoto ao ni kaotia nakoina bwa ana euangkerio Kristo e kona ni kakorakora ana reitaki n iraorao ngkana e kataia ni bwaina te ongotaeka ao te etieti. I tatangiria ni buokia bwa e na namakinna bwa e tangiraki.”
Selina O., 19, Bolivia
Kakao n Tainako
“Ko kona n reireiniia raoraom taekan ana tangira ao ana nanoanga Iesu Kristo ao arona ni kona ni buokiia. Kaoia bwa a na nako n taromauri ao n ira aia kiraati kain te roronrikirake ma ngkoe. Aio e kona ni buokiia ni karikirakea aia koaua ae matoatoa iroun Iesu Kristo.”
Shara R., 12, Colombia
Riiki Moa Bwa Raoraoia
“I kataia n tainako ni karinai ao ni kakoaua bwa rao raou a ataia bwa I iangoia n taa inako. I ataia bwa I kona n riki bwa te ota nakoia ngkai I kateimatoa ara iraorao ao au tangira. I kona ni kaoia raoraou nakon waaki ni kakukurei n te Ekaretia, ma N na riki moa bwa rao raoia. Rao raom e na matoatoa aia koaua ngkai a noora am banna ni katoto n tatangira ao n am boutoka n iraorao nakoia.”
Mia D., 19, Florida, USA
E na Buokiko Kristo
“E kona ni kangaanga aron te reitaki ma rao aika aki bati ni kakaonimaki, ma I tangiria ni kaoia rao raou nakon te waaki ni kakukurei ibukiia te roronrikirake ke nakon te taromauri ngkana N na anga te reirei. Ngkana a nano iai, I anganiia Ana Boki Moomon n raonaki ma au koaua ao ni katanei kiibu ake a kakaawaki irou. Uringnga, Kristo e na buokiko inanon aro nako.”
Elizabeth B., 15, Florida, USA
Ti Bwaina te Akoi
“I titirakina au tia reirei n te tieminari te titi raki aei. E taku, ‘Ti bwaina te akoi, Jordan. A eti bwaai aika ko karaoi.’ N te moantai, ao I tabe n iangoia, ‘Bwainakin te akoi n tii ngaia e aki tau.’ Ma imwiina I iangoa raoraou are e kainnano a au iraorao ao banna ni katoto. E buokai te Tamnei ni bwabwaina te akoi ao n ata te bwai ae N na taekinna. N te tai aei, e tangiria bwa e na bwabetitoaki n te tai teuana!”
Jordan S., 17, Utah, USA