“Reirei aika Kabuta, Rinerine aika Onoti,” Ibukin Kakorakoraia Kairake, Maati 2023.
Reirei ni Kabuta, Rinerine aika Onoti
Kona kanga ni karaoi reirei ni kabuta inanon aro aika onoti inanon maium?
Kamatata n te tamnei iroun Josh Talbot
Aikai teniua taetae mairouia burabeti aika teniman aika kakaokoro. Nooria ngkana ko kona ni kina te botoniango ae titebo ma ngaia:
“O kam na kawanawanaingkami; tera ae N na kona riki n taekinna?”
“I aki kona n tuangkami bwaai ni kabane ake kam na bure iai.”
“I ti reireiniia te tu ua aika a koaua, ao a bon kairi maiuia ibon irouia.”
Teachings of Presidents of the Church: Joseph Smith [2007], 284.
Taraan ae burabeti aikai a anganiira reirei man ana euangkerio te Uea ao imwiina a katikuira bwa tina bon bairei arora ni maiuakini. A aki anganiira kabwarabwarakiia teuana imwiin teuana. Ngaia are, ti kanga ni karekei aia reirei ao ni karaoi inanon maiura?
Ko Kanga Ni Karaoi Aia Reirei Burabeti?
Burabeti a anganiira tuua mairoun te Uea. A reireiniira naba tuua ao kainibaire ake a na buokiira ni karaoi koaua aika akea tokiia ao tuu a—n aron te katoto, n Ibukin Kakorakoraia Kairake kainibaire.
Ma kain ana Ekaretia Iesu Kristo ibukiia Aika Itiaki ni Boong aika Kaitira n tabetai a kan atai kabwarabwarakiia—bwaai aika onoti ake ti riai ni karaoi ni maiuakin reirein te euangkerio ao tua aika tamaroa riki. N aron te katoto, aomata a kan atai raoi bwa aekakin kunnikai raa aika a kaota te karinerine ibukin rabwataia. Ke a na kona ni kan ataia raoi bwa tera ae a riai ni karaoi n te bong ae te Tabati bwa e na teimatoa ni mimitong.
Reirei aika kabuta a kona ni karaoaki nanoia ni kawai aika a onoti irouia aomata aika a kakaokoro, ma ti kona n ukoukora ana kairi te Uea ngkai ti kaitarai ara rinerine ibon iroura bwa ti aonga ni kaniiaki riki nakon te Atua.
Te Baeten ae Ibuobuoki
Beretitenti Russell M. Nelson e kabwarabwara n te taina arona ni kaitarai rinerine iaon kawakinan mimitongin te Tabati:
Te bong ae te Tabati:I reiakinna man koroboki aika tabu bwa au kairi ma anuau n te Tabati e karekea te kanikina imarenau ma Tamau are i Karawa. Ma te mataata anne, I aki manga kainnanoa rinanin bwaai ake a na karaoaki ao bwaai ake a na aki karaoaki. Ngkana N na karaoa te babaire bwa te mwakuri ni kakukurei e raoiroi ke e aki ibukin te Tabati; I titirakinai, ‘Tera te kanikina ae i tangiria bwa N na angan te Atua?’ Kona kanga ni karaoi reirei ni kabuta inanon aro aika onoti inanon maium” (Eberi. 2015 maungatabu ni kabuta [Ensign ke Riaona, Meei 2015, 130]).
Te kawai are kaitara te titiraki ae onoti aei Beretitenti Nelson e kona ni kaota nakoira te baeten ibukin karaoan ara rinerine ibukin tuua ao kainibaire. Aio te kawai teuana are ko kona ni kabwaranakoa iai:
Ko kona n ira te baeten aei ma tua ke kainibaire nako—Tuan te Mauri, bwaai ni kareke rongorongo ao kakibotu, katangitang, itiaki man te wenenibure, ao bon te kabwianibwai. E kainnanoa mwakuriana, ma e manena.
Ngkai ko kamatebwai bwaai aikai, ko kona ni wareki bwaaia ke a taekini koroboki aika a tabu ao burabeti n taai aikai ibukiia, iangoia, ao tataro nakon Tamara are i Karawa. Te Tamnei ae Raoiroi e kona ngkanne ni buokiko ao ni kaunga nanom ni karaoa te rinerine ae tamaroa.
Tera aron aia Rinerine ake Tabeman?
Ataia bwa Beretitenti Nelson e aki tuangiira bwa tera rinerine aika onoti ake e karao i ibukin te bong ae te Tabati. E kaotia nakoira bwa tina kanga ni karaoi oin ara rinerine. Ko kona ni karaoi aekakin ana rinerine aika a mwaiti ake e karaoi. Ma te kantaninga iai bwa tina kataia ni kaniira riki nakon Tamara are i Karawa ao Iesu Kristo rinanon ara rinerine.
Ngkana iai riki ae ko ataia n te Ekaretia ae e aki karaoa te kawai ae ai aron are ti karaoia, kona aki raraoma ni kaetiia. Ngke e taekinna Reyna I. Aburto, te Kauoman ni Kauntira n te Beretitentii ni Kabuta n te Bootaki n Aine mai imwaina, e taku n te taina, “Tina iriira kawain te Tia Kamaiu ao tina karikirakei ara nanoanga, ni kanakoi nanora ni motikitaeka, ao ni katoka arora n tuoi maiuin tamneia tabeman.” (Okitobwa 2019 maungatabu ni kabuta [Ensign ke Riaona, Nob. 2019, 58]).
Ko kona ni butimwaai reirei aika a eti ni kabane ake a taekinaki irouia burabeti. Ko kona ni kairiia tabeman nakon te Tia Kamaiu, Ana tangira, Ana nanoanga, ao Ana tua. Ko kona ni wareki Ibukin Kakorakoraia Kairake kainibaire. Ko kona ni kataia ni maiuakina te maiu ni kakaonimaki n riki bwa ana reirei Iesu Kristo, n riki bwa te banna ni katoto ae tamaroa, ao n tibwai am taneiai n te maiu n tamnei.
Ngkana ko kabotoa am iango n tangiran te Atua ao tangiraia aomata, kona kairaki nakon karaoan rinerine aika a na kakukureiko ao a na kakukureiia aomata.