Karekean Te Rau Ibon Ibukim
Anaaki
N te bong aei N na taetae iaon te kakai ni karekean te rau ibukim, n aki taraaki te bwai ae ti mena inanona. …
I a tia n reiakin tao nimaua [te] koaua man Ana reirei te Tia Kamaiu.
Te moan, te bwaintituaraoi ae te rau e reke imwiin ae iai ara onimaki ni kawakina Ana tua. …
Te kauoua, te Tamnei ae Raoiroi e na roko ao n tiku iroura. …
Te katenua, e berita te Tia Kamaiu bwa ngkai ti kawakin ara berita, ti kona n namakina ana tangira te Tama ao te Nati imarenaia ao ibukira. …
Te kaaua, kawakinan Ana tua te Uea e kainnanoa ae raka riki iaon ae ti te ongotaeka. Ti na tangira te Atua ma nanora ni kabane, korakorara, ara iango, ao tamneira. …
Te kanimaua, e mataata bwa te Uea e tau Ana tangirira ibukira ni kabwaka boon ara bure bwa ti aonga—rinanon ara onimaki Irouna ao ara rairannano, rinanon mwiin Ana Mwakuri ni kamaiu—ti na karekea te bwaintituaraoi ae te rau are “aki konaki n ataki teutana” [I-Biribi 4:7], n te maiu aei ao ma Ngaia n aki totoki. …
Membwa ni kabutaa te Ekaretia a tia n namakina te rau ibon ibukiia ae ana bwaintituaraoi te Uea. E kaungaia aomata nako ni buokiia aomata riki tabeman bwa e na reke aia tai n roko Nakoina ao n tau ni karekea te rau naba anne ibon ibukiia. Ngaiia, imwiina, a na rineia n ukora te kairi mai ieta n ataia bwa a na kanga n uota te bwaintituaroaoi anne nakoia tabeman.
Te roro ae rikirake e na riki bwa te tia ribanaia roro ake imwiina. Te bwai ae e na riki imwiin kataotiranakoana e na karika te kakai. E na rababa nako ao n rikirake inanon taina, ao abanuean te Uea iaon te aba e na barongaaki ao n tauraoi ni butimwaea te Uea ma te bwanaa n nebonebo. E na riki te rau iaon te aonaaba.