Taan Iriira Uean te Raoi
Te Rongorongo ae Kaeweaki
Ngkai ngaira taan iriira Uean te Raoi, ti a tia ni reireinaki bwa ti na maeka ma “ te nano ae ti teuana i nanon te tangira imarenara.”[Motiaea 18:21]. …
… Teuana mai ibuakon kanikina ake e na kaota arora ni kaan riki ma ara Tia Kamaiu ao n tabe ni katotoonga Arona bon arora n tangiriia, n tataonii nanora, ao n arora n nanoanga ake ti karaoi nakoia raora nako, e ngae ngke iai bwaai aika riki imarenara. …
… Ngkana ti taraa raoi te reirei ni burebeti aei, ao ti na bon aki iruwaa n ana kawai teuana teuare buakaka ni kamangaoi nanoia natin te Atua bwa a na kairiribai. E kimwareirei ngkana e nooriia aomata bwa a kabuakaka imarenaia, a wawaaningare, ao ni kataorikaakiia tabeman. …
Tariu ma mwaneu, ngkai ti keiaki ni katotonga aron maiun ara Tia Kamaiu, ao ti kona n riki bwa taan beku ngaira ibukin Ana raoi n te aonaaba n ira te banna are E a tia ni karaoia Ngaia. I kaoi ngkamii bwa kam na rinei aanga aika a na kona ni karikiira bwa taan kaunganano ao taan boutoka, aomata aika iai irouia te ota ao te nano ni kabwarabure, aomata aika a noori tamaroa irouia tabeman, ni kakauringa n taainako “ngkana iai te bwai ae raoiroi, ae kakateke, ke ae tamaroa rongorongona, ke e kamoamoaaki, ti na ukoukori bwaai aikai.”[Taekan te Onimaki 1:13].
I berita nakoimi bwa ngkana ti maiuakin ao man rikirake inanon aekaki n anua aikai, ao ti na konaa riki n kairikirakea te reitaki raoi ao kinaakin kainnanoia raora n tatabemaniia nako ao n namakina te kukurei, te rau, ao te rikirake n tamneira.