Te Kabanea ni Kakaongora ni Karaki n te Itita
Te Rongorongo ae Kaeweaki
Ti na kanga ni katamneia te reirei ao bukamaruan Mangautin Iesu Kristo, karakin te Itita, ni katitebooa, kanakoraoia, ma kakawakin kateira ni bungiakin Iesu Kristo, ae karakin te Kiritimati? …
… N raonaki ma kiibu aika a kakawaki ibukin te Itita n te Nu Tetemanti, ngaira Aika Itiaki ni Boong aika Kaitira ti kabaeaki ma te bwaintangira ae moan te kakawaki n te Itita! … I taekina ikai ana Boki Moomon, ao n kaineti riki, nakon karakin Iesu Kristo are e kaoti nakoia kaain te Aonaaba ae Boou, ngke E uti ma rabwatana ae mimitong. …
… Ara kaantaninga bwa ti na kariki mwakoro aikai n 3 Nibwaai bwa kanoan ara waaki n te Itita n ai aron are Ruka 2 ibukin ara waaki n te Kiritimati. N koauana, ana Boki Moomon e tibwaa te kabanea ni kakaongora ni karaki n te Itita. Tai karikia bwa te kabanea ni kakaongora ni karaki n te Itita ae aki kakarakinaki.
I kaoko bwa kona taraa ana Boki Moomon ni kabooua taraakina ao ni iangoa te kakoaua ae kakawaki are anga koauan utin Kristo ao mwaitin ao nanon ana reirei Kristo. …
Rokona bwa te tia Kamaiu ae tia n uti, e kaotaki iroun te Atua te Tama, bwa bon rongorongo n te Itita ae moan te mimitong man katokanikai. E na buokiia kaain ara utu ni karekea aia kakoaua iroun Iesu Kristo bwa ara tia Kamaiu ao tia Kabooira, are e urua kabaean te mate.