Ti Temanna Ngkami ni Kabaneingkami i nanon Kristo
Rongorongo ae Kaeweaki
Tii inanon aran Iesu Kristo ti kona ni katiteuanaaki ni koaua.
Te katiteuanaaki iroun Kristo e riki temanna imwiin temanna—n tatabemaniira ti waaki moa mai iroura. Aomata ngaira ni bwaai aika uoua n iriko ao n tamnei ao n tabetai ti itabarara i bon imarenara. …
Iesu bon te iriko naba ao te tamnei. E kataaki, E ataia, E kona ni buokiira ni karekea te katiteuanaaki inanora. …
Ni “katoka iaora Kristo” ni koauana e kairaki karaoan Ana “moan ao ana tua ae moan te korakora” [taraa Mataio 22:37–38] ara moan ao kabaeakira ae moan te korakora, ao ngkana ti tangira te Atua, ti kawakini Ana tua nako.
Te katiteuanaaki ma tarira ao mwanera n rabwatan Kristo e rikirake ngkai ti ira te kauoua n tua—e aki maenako ma te moan—n tangiriia aomata n ai aron tangirara i bon iroura. …
Ngkana ti “katokaa Kristo iaora,” e karekea te nakoraoi ke ni katikui kakaokoroaki, kauntaeka, ao uneaki. …
Te katieuanaaki e aki kainnanoa te katiteboaki, ma e kainnanoa te booraoi. Ti kona ni katiteuanaaki nanora n te tangira, ni katiteuanaaki n te onimaki ao te reirei, ao ni kaungai tiim aika a kakaokoro, aki booraoi ma waaki inanon te tautaeka te tautaeka, kauntaekai aron kouru ao etin waaki ni kakoroi nanoia, ao bwaai aika a mwaiti riki. Ma ti aki kona n aki uneaki ke ni kaonaki n te un ke n karekea te namakin ae aki raoiroi ibukia tabeman. …
I taekinna riki bwa bon tii inanon ao rinanon ara kakaonimaki n tatabemaniira nakon ao tangiran Iesu Kristo are ti kona iai ni kantaninga ni katiteuanaaki—katiteuanaaki inanora, katiteuanaaki ni mweengara, ni katiteuanaaki n te Ekaretia, ao n tokin te tai ni katiteuanaaki i Tion, ao iaoia ni kabane, katiteuanaaki ma te Tama ao Natina ao te Tamnei ae Raoiroi.