Kakabwaia n te Tamanuea
Ecuador
Am Kakabwaia n Tamanuea—Kairaki Karekeana iroun Tamara are i Karawa
E bon rangi ni bongana au kakabwaia n tamanuea nakoiu ngke I uarereke ni bukina aika a mwaiti. Te moan, rinanon mwaakan te Tamnei ae Raoiroi, au kakabwaia n tamanuea e buokai ni kaotaa nakoiu kinakiu mai karawa—bwa antai raoi ngai ni koaua ao antai ae I kona n riki n ai arona. … I ataia bwa I kinaaki ao n tangiraki iroun Tamau are i Karawa ao au Tia Kamaiu ao bwa A bon mena i nanon maiu. E buokai aei ni karekea nanou bwa N na kaan Nakoia ao n karikirakea au onimaki ao Onimakinaia. …
Ataakina bwa antai raoi ngai e buokai ni kaotaai ao ni kairai bwa N na karaoa are e tangiria mai irou te Atua.
E kairai aio nakon kamatebwaian berita aika a tabu are I karaoi ao beritanakin kakabwaia n ana berita te Atua ma Aberaam. E anganai te nonoori mai karawa are e kairai bwa N na kawakin raoi riki au berita aika a tabu. …
E kakawaki irou karekean au kakabwaia n tamanuea ngke I uarereke ao n rikiraken au kakoaua. …
… Tangiran au kakabwaia n tamanuea ngke I uarereke e kakabwaiaai ma te ninikoria ngke I bwara n nano, te rau ngke I maroaa, te rau ngke I namakina rootakin au iango n te maaku, kaantaninga ngke I bwara n nano, ao te kimwareirei ngke I rangi ni kainnanoia. E buokai au kakabwaia n tamanuea n karikirakea au onimaki ao ni katan iaon Tamau are i Karawa ao au Tia Kamaiu. E karikirakea naba au tangira Ibukiia—ao anne ae bon riki naba ngkai.
N Ningai Karekean Am Kakabwaia n Tamanuea
Ataeinimwaane, ao ataeinaine aika kam tangiraki, kaaro, ao bitiobi, kakabwaia n tamanuea tiaki ti ibukin te katauraoi nakon te mwakuri ni mitinare. Membwa ake a tau ake a tia ni bwabetitoaki a kona ni karekea aia kakabwaia n tamanuea n te tai ae nakoraoi ibukia. …
Tariu ao mwaneu, I kaota au kakoaua bwa a maiu Tamara are i Karawa ao Ana riki Temanna, te Uea ae Iesu Kristo. A tangirira. Kakabwaia n Tamanuea bon bwaain tangira aika a tabu mai Irouia. Ngkana ko karekea am kakabwaia, ko na tibwa ataia ao n namakina aron Aia tangira ibukim ao Aroia ni kabanea aia tai iroum.