Te Tetere ni Moaningabongin te Tabati
Au Iango E Iangoa Raoi te Koaua Aio iaon Iesu Kristo
Te Rongorongo ae Kaeweaki
Te karaki ae tamaroa n Ana Boki Moomon e taekina te ataeinimwaane, man te utu ae kinaaki, ae arana Aramwa are e kabwarabwaraaki ni booki aika a tabu bwa te tia tataroi boua n anti ae akea ana kakoaua. …
Inanon rawawatana ae korakora, e uringnga reireiana ni kairakena iaon “rokon Iesu Kristo, are Natin te Atua, bwa e na karaoa te mwakuri ni kamaiu ibukin buren te aonaaba.” [Aramwa 36:17]. … Ngkai e bubuti ibukin mwaakan te Tia Kamaiu ae tabu, e riki te bwai ae kamiimii. … N te tai ae waekoa e namakina te rau ao te beebete. …
Aramwa “e iangoa raoi” koauan Iesu Kristo. …
… Mwakurian te onmaki n te koaua anne, ao man mwaakan ana nanoanga te Atua, e kamaiuaki man te rawawata ao ni kaonaki n te kaantaninga.
… Ara iango a tia naba ni “iangoa raoi te koaua aio” iaon Iesu Kristo ao Ana akoi n anga karea, ao nanora a tia n namakina te oota ao te kimwareirei are e reke mai iai. …
… Ara tangira i Bukina e aki kamanoira man te nanokawaki ao te rawawata n te maiu aei, ma e kariaia bwa ti na nakonako rinanon kangaanga ma te kakorakoraaki are e riaon riki ara konaa. …
Man katuruan ara taratara iaon Iesu Kristo, bwaai ni kabane aika a katobibiira—aika ngkai naba—a nooraki rinanon ara tangira Ibukina. … Ngkai ko teimatoa ni karekea raoi iangoan Iesu Kristo, n onimakinna, ao ni kawakin Ana tua, I berita nakoim bwa tiaki ti ni kairam ma man te mwaaka mai karawa— te mwaaka are e uota te korakora nakon am berita aika tabu, te mweeraoi nakon am kangaanga, ao te kimwareirei n am kakabwaia.