Karekean Mwaakan te Atua rinanon Berita aika Tabu
Te Rongorongo ae Kaeweaki
Imwaain karikan te aonaaba, te Atua e katea ana berita bwa kanga te kawai are ngaira, aika Natina, ti na kona ni katiteuanaira iai ma Ngaia. …
Ti karaoa te berita ae tabu ti ngkana ti bon nanonna ni katabua nanora bwa ti na kakoroi nanoia. Ti riki bwa naati ni berita iroun te Atua ao ni bwaibwai n Abanueana, e moamoa riki ngkana ti kaotiira bwa a bane nanora n te berita ae tabu.
Te taeka ae kawain te berita ae tabu e kananonaaki nakon berita nako ake a uotiira nakon Kristo ao n reitaki Nakoina. Rinanon te kabaeaki n te berita aei, e reke iroura te kona ni karekea Mwaakana ae akea tokina. Te kawai aei e moanaki ma te onimaki iroun Iesu Kristo ao te rairannano, n rimwiiaki ma te bwabetito ao karekean te Tamnei ae Raoiroi. …
E kairiira kawain te berita nakon otenanti n te tembora, n aron te entaumente n te tembora. Te entaumente bon Ana bwaintangira te Atua ni berita aika tabu are e reitiira n ae bwanin ma Ngaia. …
Kawakinan berita ake ti karaoi n te nei ni bwabetito ao inanon te tembora a anganiira naba te korakora n totokoi kakatai ao rawawata n nano n te maiu aei. …
Ngkai ko nakonako iaon kawain te berita, man te bwabetito nakon te tembora ao rinanon nako te maiu, I berita nakoim te mwaaka n kona ni kaitarai baika a kakaraoaki ae taneiai te aba iai—te mwaaka n reiakin bwaai, te mwaaka n rairananno ao ni kaitiakaki, ao te mwaaka ni kunea te kantaninga, te mweraoi, ao bon te kukurei ngkai ko kaitarai kakaewenako n te maiu aei. I berita iaom ao am utu te kamanoaki ni kaitara ana kairoro te tia kakaitara, riki ngkana ko karika te tembora bwa boton am iango inanon maium.