Ko Ataia bwa Bukin Tera Ngai ae te Kiritian I Kakoaua Kristo?
Te Rongorongo ae Kaeweaki
N te tairiki teuana imwiin te mwakuri, ririki n nako, I tokara au bwati n okira mweengau i New Jersey man te kaawa are New York. Te aine are I tekateka irarikina e noora te bwai are I koreia iaon au kombiuta ao e titiraki, “Ko kakoaua … Kristo?” …
… Ataei ao te roronrikirake: kam kona n taiaoka n titirakiniia ami karo ke te tia kairiiri imwiina iaon, “Tera bukina ngkai e mate Iesu?” …
Eng, I tuanga raraou bwa iai tamneira n raonaki ma rabwatara ao te Atua bon Ngaia Taman tamneira. … Ibukina bwa E tangira neiei ao Natina ni kabane, E karaoa te baire ibukira bwa tina karekei rabwatara ni katotongan rabwatana ae mimitong, n riki bwa kaain te utu, ao n okirikaaki Nakoina ni kukurei n te maiu are akea tokina ma ara utu n aron are E karaoia ma Ana utu. Ma, I taku, ti na kaitarai uoua kangaanga n te aonaaba ae bwaka aei: (1) te mate n rabwata—maenakon rabwatara ma tamneira. … Ao (2) te mate n tamnei—maenakora ma te Atua ibukin ara bure, kairua, ao taian kabwaka ngkai aomata ngaira ake a kararoaira mai Irouna. …
I kakoaua nakon raraou, ao I kakoaua nakoimi, bwa Iesu Kristo bon [te] Tia Kamaiu anne, are E a tia ni korakai, ni mate, ao ni manga uti—Ana Mwakuri ni Kamaiu ae akea tokina —ni kamaiuia aomata ni kabane man te mate n rabwata ao n anga te maiu ae akea tokina ma te Atua ao ara utu nakoia ni kabane ake a kan Iriiria. …
Mwaneka ake e kaoti te Atua ti riai n tou mwiia n iriira Iesu ao ni karekea te maiu ae akea tokina are aranaki bwa ana reirei Kristo. A kairia ma “onimakinan Iesu Kristo ao Ana Mwakuri ni Kamaiu, rairannano, bwabetito [nakon Ana Ekaretia Iesu Kristo ibukiia Aika Itiaki ni Boong aika Kaitira], ni karekea te bwaintangira ae te Tamnei ae Raoiroi, ao n teimatoa ni ua te toki.” [Tataekina Au Euangkerio (2019), 63].