Spurningar og svör

„Hvað get ég gert ef ég finn að ég hlýt ekki andlegar upplifanir?“

„Biðjið í nafni Jesú Krists varðandi áhyggjuefni ykkar, ótta, veikleika – já, innstu hjartans þrá. Leggið síðan við hlustir! … Þegar þið endurtakið þetta ferli … , munið þið ‚vaxa inn í reglu opinberunar.‘“

Russell M. Nelson, „Opinberun fyrir kirkjuna, opinberun fyrir eigið líf,“ aðalráðstefna, apríl 2018.

Hugleiðið, skrifið og ígrundið

„Í lok dags gef ég mér tíma til að hugleiða og skrifa í dagbókina mína um andlegu reynsluna sem ég hlaut þann dag og ígrunda hana. Alltaf þegar ég geri þetta finn ég fyrir friði. Það minnir mig líka á að keppa að andlegri upplifun á hverjum degi.“

Kianna G., 16 ára, Zamboanga del Norte, Filippseyjum

Spyrjið Guð

„Að lesa stöðugt ritningarnar og biðja á hverjum degi er frábær leið til að sýna Guði að þið viljið hljóta andlegar upplifanir. Ef ykkur líður eins og þið hljótið ekki andlegar upplifanir, skuluð þið biðja Guð einlæglega að hjálpa ykkur að gefa þeim gaum. Hann elskar ykkur og mun svara bænum ykkar þegar þið leitist við að gera ykkar hlut.

Elijah C., 15 ára, Utah, Bandaríkjunum

Verið þolinmóð

„Verið þolinmóð. Upplifanir ykkar verða ekki alltaf eins og annarra.“

Isabella F., 16 ára, São Paulo, Brasilíu

Lifið eftir fagnaðarerindinu

„Við munum öðlast andlega reynslu með því að lesa ritningarnar, hlusta á orð spámannsins, fasta, biðja, fara í musterið og þjóna öðrum. Þetta hjálpar okkur að nálgast Krist og vera móttækilegri fyrir ábendingum frá heilögum anda sem færa okkur frið.“

Nellie R., 16 ára, Hidalgo, Mexíkó

Verið eftirtektarsöm

„Við verðum alltaf að muna að fylgjast vel með ábendingum heilags anda. Við getum fundið þær í smæstum hlutum. Jafnvel þó þær séu smáar geta þær bergmálað í gegnum eilífðina.“

Melissa A., 14 ára, Paraíba, Brasilíu

Svörin eru til hjálpar og til að fá yfirsýn, en eru ekki opinberar yfirlýsingar um kenningar kirkjunnar.

Hvað finnst ykkur?

„Hvernig get ég ‚látið ljós mitt skína‘ ef ég er ekki mikið fyrir að fara út?“

Sendið svar ykkar og mynd fyrir 15. október 2023.

Sendið okkur netpóst á [e-mail]. Farið á ftsoy.ChurchofJesusChrist.org og smellið á „Submit Your Work.“ Skráið ykkur inn með kirkjuaðgangi ykkar og veljið „For the Strength of Youth [Til styrktar ungmennum]“ undir „Choose Magazine [Velja tímarit].“ Smellið á „Add File [Bæta við skjali]“ til að velja skrá og mynd og smellið síðan á „Submit [Senda]“ til þess að hlaða þeim upp og senda okkur.

Svartexti kann að verða styttur eða lagaður til.