Abanuea aika Mimitong
Te Rongorongo ae Kaeweaki
Te reirei are e kaotaki n ana Ekaretia Iesu Kristo Ibukiia aika Itiaki ni Boong aika Kaitira ae kaokaki e reireia bwa natin te Atua ni kabanema aika tianaki n aki kairaki ikai—n tokin te tai ao a na mena n teuana mai ibuakon abanuea ni mimitong ake teniua, n aki bwaka iaan mwaitiia ake “a riaon aia atatai aomata” [Reirei ao Berita aika Tabu 76:89]. …
Te reirei naba ae onoti ao ni kakabonganaaki n te Ekaretia ae kaokaki bon kaotakin tuua ma berita nakoia ni kabane natin te Atua ni karekea te tabo are te kabanea n rietaata ni mimitong n te abanuea ae te tiretio. Te kabanea n rietaata n tabo—te karietataaki n te abanuea ae te tiretio—bon ana taakete Ana Ekaretia Iesu Kristo Ibukiia Aika Itiaki Ni Boong Aika Kaitira. …
… N te aba n Uea ae te “Tiretio” iai rinan inanona aika teniua, te moan bon te karietataaki n te aba n uea ae te tiretio. …
Ana babaire te Atua, ae kateaki iaon koaua aika akea tokiia, e kona n reke te karietataaki ti rinanon te kakaonimaki nakon berita aika tabu n te mare ae akea tokina imarenan te mwaane ao te aine inanon ana tembora ae tabu, te mare are e ti kariaiakaki nakoia ake a kakaonimaki. …
Te Kabane ni Motikitaeka bon tiaki ikotan mwaitin ara mwakuri aika raraoi ao aika buakaka—ake ti a tia ni karaoia. E bon boboto iaon kabanean mwiin ara mwakuri ao ara iango—n arora are ti a tia ni karekei. Ti kona n tau ibukin te maiu are akea tokina tii rinanon te rairaki ni koaua. …
Ibukin Iesu Kristo ao Ana Mwakuri ni Kamaiu, ngkana ti bwaka n te maiu aei, ti kona n raira nanora ao n rin inanon kawain te berita ae tabu are na kairiira nakon ana kaantaninga Tamara are i Karawa ibukira.