Mwaakan te Kabaebae
Rongorongo ae Kaeweaki
Ti iangoa te kariaia n te kabaebae bwa ti karaoan aekan otenanti n te tembora, ma te kariakaki anne e riai ibukin karaoan otenanti nako aika bwainaki ao kabaebae imwiin te mate. …
Nakoraoin te mwaaka ni kabaebae anne are n te otenanti n te nakoanibonga e raonaki ma, bon karaoan te otenanti ibukin temanna are e karaoaki n te tabo are e baireaki iroun te Uea—Ana tembora. … Te mwaaka ni kabaebae aio bon kaotan raoi te motiraoi, nanoanga, ao ana tangira te Atua.
Ma te kona ni karekea te mwaaka ni kabaebae, nanora e rairaki nakoia ake a tia ni kaman rimoara. Te ikotaki ni boong aika kaitira i nanon te berita ae tabu e raonaki irouia ake a tia ni mate. …
Mwaakan te kabaebae are te kabanea n rietata ao ni mimitong are e kaotaki n ikotakin te mwaane ao te aine inanon te mare ao kabaeakiia aomata nako rinanon aia roro nako. …
Ti kona n nooria bwa bukin tera “te mare i marenan te mwaane ao te aine e katabuaki iroun te Atua “ao te utu e kakaawaki n Ana baire te Tia Karikibwai ibukin kaeakin te tia ae akea tokina irouia Natina” [“Te Utu: Te Katanoata nakon te Aonaaba,” Gospel Library]. N te tai naba anne, ti ataia bwa n te tai ae aki kororaoi aei, bon tiaki te koaua ke bon te bwai ae e na riki irouia tabeman. Ma iai ara onimaki iroun Kristo. …
I kakoaua bwa n te mwaaka ni kabaebae ao te kariaiakaki are e kaokaki nakon aon te aba rinanon Iotebwa Timiti a bon koaua, bwa te bwai are e kabaeaki i aon te aba ni koauana e bon kabaeaki naba i karawa.