Ai Korakorara Riki Kimwareireim
Te Rongorongo ae Kaeweaki
N te bong aei, N na taetae nakoia ake a ikawai n te Ekaretia ake a kona ni beku bwa mitinare. E kainnanoiko te Uea. …
N au tai ni kawarii taabo ni mitinare ni katobibia te aonnaba, ao I noora aia beku ara taanga ni mitinare ae rang tamaroa. E mataata ikai bwa a rang kukurei ni karaoa “nanon te Uea” ao ni kan beku “n ana ”mwakuri te Uea” [Reirei ao Berita aika Tabu 64:29]. …
I a tia ni weteia taanga ni mitinare aika mwaiti bwa na beku ao n tararua ngkai e kaonaki nanoia n Otan Kristo. Ngke a oki ao a taekinna bwa a tabe n rikirake ni kaan riki ma te Uea ao ma aomata, n namakina Tamnein te Uea ae bwaro nako aoia, ao n ataa te bitaki are a tia ni karaoia. Antai ae nang aki kan reke irouna aei? …
Ngkai ana Abotoro ngai Iesu Kristo, I tuang ngkami bwa kam na beku bwa mitinare ngkami ibukin ikoikoitakiia kaain te bata are Iteraera ao ngkana a bane ami tai ao manga moan beku riki kaua …
I berita naba bwa ngkana kam beku ao kam na namakina ana tangira te Uea inanon maiumi, kam na rang Kina raoi, ao E na bon rang n kinai ngkami naba, ao “korakorara kukureim” [Reirei ao Berita aika Tabu 18:15]. Nanomi ni kan beku ibukin Iesu Kristo e na bon kakabwaiaia ami utu, tibumi, ao ai tibutorumi. “E [na] kabatiaki namakinan te, rau ao te tangira” [Iuta 1:2] i nanon maiuia ao n ririki aika ana roko.