Nakonako ni Berita aika tabu n Reitaki ma Kristo
Te Rongorongo ae Kaeweaki
E na kaekaira ni kabane te Uea i nanon ara tai n rawawatara ngkana ti rineia bwa ti na kabaea maiura ma Ngaia. E a tia ni berita bwa e na nakonako ma ngaira i nanon te kawai.
Ti arana te nakonako n kawain te berita ae tabu ae —te kawai are e moanaki ma te berita ae e tabu n te bwabetito ao ni kairi nakon berita aika a tabu riki n te tembora. … Te berita ae e tabu tiaki tii ibukin te bwai ae kai toki taina, ngaia are anne e rangi ni kakawaki. Bon ibukin taekan te reitaki. …
Ana mwakuri bon te mwkauri ni mangori. E na kaitibo ma ngaira Iesu Kristo n te tabo are ti mena iai. Aio raoi bwa bukin tera n te onaroka, te kaibangaki, ao te ruanimate. E kanakomaiakaki te Tia Kamaiu bwa e na buokiira bwa ti aonga n tokanikai. Ma ngkana ti tiku n te tabo are ti mena iai e na bon aki uota te kainaomataaki are ti ukoukoria. … Ana mwakuri te buookia aomata n rierake nakon are i aona riki. E na mwakuri i nanora n tabekirarake nakon te tabo are E mena iai, n te waaki, e na anganiira te kona n riki n Ai arona. E roko Iesu Kristo bwa e na tabekirarake. E tangiria ni buokiira bwa ti na roko. Aio raoi bwa bukin tera te tembora. Ti riai ni uringnga: tiaki maroa n ti ngaira ni uaiakina te karietataki; bon raora––ara Tia Kamaiu. Ao aio raoi bwa bukin tera te reitaki n te berita ae tabu. …
…Moanna man te tabo are ko mena iai. Tai kariaia bwa e na totokoiko te bwai ae ko mena i nanona. Uringnga, te rangata ke touan te kawai a bon aki kakawaki n aron te rikirake. …
Ti nakonako, ma te kakaaitau, n te kawai aei n ikotaki, n anga te kaunganano i nanon te kawai. Ngkai ti tibwai ara taneiai ma Kristo, ti na kakorakoraaki n ara onimaki n tatabemaniira.