Riiki bwa Taan Iriira Kristo i Nanon te Rau
Te Rongorongo ae Kaeweaki
Ibukira ngaira ake n te Ekaretia aika ti kekeiaki n riki bwa taan iriira Kristo aika a rau, a na reke iroura bong aika a nakoraoi ngkai ti kabotoa ara taratara i aon te Uea ao te Tia Kamaiu, Iesu Kristo. Kataaki bon mwakoron te maiu ae mamate ao a riiriki n maiuia aomata nako ni kabutaa te aonaaba. …
Aki toki n titiraki taan kairiiri n te Ekaretia, “Bukin tera e kariaia te Atua rikin bwaai aika a buakaka, riki nakoia aomata aika a raraoi?” …
Tiaki atai kaekaan titiraki ni kabane; ma ti atai tuua aika a kakawaki ake a karikiira bwa ti na kaitarai kataaki, karawaawata, ao kakaaitara ma te onimaki ao n nano matoa n nakoraoin taai aika a na roko ibukira n tatabemaniira nako. …
Ti ataia bwa angiina mai ibuakora a tia n rinanon te buaka n te maiu n rabwata ao n tamnei i nanon maiura, tabeua a rangi ni korakora. Tamara are i Karawa ae tatangira ao Natina, Iesu Kristo, are bon mataniwiin Ana Ekaretia ae kaokaki, a tia n anganiira koroboki aika tabu ao burabeti ni katauraoira, kauringiira n kangaanga, ao n anganiira kairara ni katauraoi ao ni kamanoira. Tabeua kairiiri a kainnanoa karaoana n te tai ae tawe, ao tabeua a katauraoi kamanoara ibukin ririki aika mwaiti n taai aika a na roko. …
… Te maiu ae onrake n te kakaitau, n te anene, ao te nano ni karabwarabwa e onoti kakabwaiakiia. N rangi ni kimwareirei ao ni katan n ana ibuobuoki karawa rinanon te tataro bon te kawai ae mwakaroiroi n riki bwa taan iriira Kristo aika a rau. Te kekeiaki ni kukukurei n tainako e ibuobuoki n totokoa reken te bwarannano n tamnei. …
Ngkai ana Abotoro te Uea ae Iesu Kristo, I kaota au kakoaua ae “taan iriira Kristo aika a rau”a na kunea te rau irouia n te maiu aei ao te ikotaki ae mimitong i karawa.