Kakaitau nakon te Mwaane
Te Rongorongo ae Kaeweaki
Tariu ao mwaneu aika kam tangiraki, au koaua nakoimi n te ingabong aei bwa ai mwaitira kakabwaiara aika ti atai ibukina bwa iai Iotebwa Timiti, te burabeti ibukn te mwioko n tararua n taai aikai.
Ti a ata ngkai te kantaninga ibukin te maiu, bwa antai ngaira.
Ti ataia bwa antai te Atua; antai te Tia Kamaiu, ibukina bwa iai Iotebwa, are e nakon te buakonikai ngke te ataeinimwaane, n ukora kabwaraan ana bure.
Bon te bwai ae moan te mimitong ao n tamaroa bwa temanna n te aonaaba aei e na ataia—ae Tamara are i Karawa ao te Uea Iesu Kristo a tia ni Kaotiia ni boong aika kaitira ao e a tia Iotebwa ni bukinaki bwa e na kaoka bwaninin ana euangkerio ae akea tokina Iesu Kristo.
Iai iroura Ana Boki Moomon. Bon te bwaintangira ae mimitong ao n tamaroa Ana Boki Moomon nakoia kaain te Ekaretia. Bon manga te kakoaua, n te berita bwa Iesu bon te Kristo. E reke iroura ibukina bwa e tau Iotebwa n nako n anai bwaatua, n anganaki te tamnei mai i karawa n rairia man ana bwaintangira ao mwaakan te Atua ao n anga te boki nakon te aonaaba. …
… Ti rinanon te kekeiaki ni katauraoiira, tebongina ni katoa tai, n nakoraoiki riki teutana, n akoakoi teutana, n tauraoi teutana nakon te bong anne, are e na bon roko, ngkana ti a waaki n oki nako matan Tamara are i Karawa ao te Uea Iesu Kristo.