Kabwianibwai: Kaukan wintoon Karawa
Te Rongorongo ae Kaeweaki
Bwaai ake a reke iroura ao nakon maiura a roko mairoun te Atua. Ngkai ngaira ana reirei Iesu Kristo, ti tauraoi n anga nakoia ake irarikira.
Ma bwaai ni kabane ake e anganiira te Uea, E a tia n tuangiira bwa ti na Anganna ao nakon Abanueana i aon te aba 10 te katebubua man ara raka. E berita nakoira bwa ngkana ti kokoaua n ara kabwianibwai, E na “kauki … mataroan nako karawa. ao n nurakina … kakabwaiami, ni karokoa aki-rekeni nena” [Maraki 3:10]. E berita nakoira bwa E na kamanoira man te buakaka. …
E uki mataroan nako karawa n aanga aika mwaiti. Tabeua a kaoti n te maiu aei, ma angiina n te maiu n tamnei. Tabeua aki rang otara ao e baiti tarariaoakiia. Onimaki n Ana tai te Uea, a na bon roko kakabwaia. …
… E taetae te aonaaba iaon te kabwianibwai ni kaineti ma ara mwane, ma tuan te kabwianibwai ae tabu e bon oi raoi man ara onimaki. Te kokoaua n ara kabwianibwai bon teuana te kawai ae ti kaota iai kukureira ni karimoa moa te Uea i nanon maiura, i mwaain ae bon oin kainanora ao nanora. I berita nakoimi bwa ngkana kam onimaki iroun te Uea, kakabwaia mai karawa a na bon roko. …
Raonan kamwaitakin ake iroun te Uea ake a reke rinanon am anganano n te kabwianibwai e a tia ni kakorakoraa ana tania te Ekaretia, ni karekei taai ni kawaaka ana mwakuri te Uea n ae riaon riki ae ti a rinanona. A kinaaki ni kabane iroun te Uea, ao n taina, ti na noorii Ana kantaninga ni kabane bwa a koro bukiia.