Te Tetere ni Bwakantaain te Tabati
Iango n Tiretio!
Te Rongorongo ae Kaeweaki
I a tia n reiakinna bwa ana babaire Tamara are i Karawa ibukira e bon rang kamimi, bwa bwaai ake ti karaoi n te maiu aei a bon rang kakawaki, ao ana Mwakuri ni kamaiu te Tia Kamaiu bon ngaia are kakoroa nanon ana baire Tamara. …
… Te bong aei, ao N na buoki ngkami bwa kam aonga ni kona ni karekei kakabwaia aika mwaiti mai iroun Tamara are i Karawa, I kaoi ngkami bwa kam na karin inanomi “iangoan te abanuea ae te tiretio”! …
Ma ngaia are, Tariu ao mwaneu aika kam tangiraki, ti na kangaa ao iia ao ma antai are ko tangiria ni kan maeka ma ngaiia n te maiu are akea tokina? E a nakoim am rinerine.
Ngkana ko karaoi am rinerien, I kaoiko bwa ko na karaua raoi n taraia—te taratara ae akea tokina. Karimoa Iesu Kristo, ibukina bwa maium ae akea tokina e bon kaineti nakon am onimaki Irouna ao n Ana Mwakuri ni Kamaiu. E bon kainnanoa naba am ongeaba nakon Ana tua nako. …
Ngkai ko kaineta am taratara nakon te tiretio, kariaia bwa a na kaoti kakaitara. …
Ngkai ko iango n tiretio, e na reke te bitaki i nanom. Ko na bae n tatangiria ni kan tataro ma nanom ni katoa tai. …
Ngkai ko iango n tiretio, ko na kunea bwa ko a kona totokoi bwaai ni kabane ake a tautaekana inaomatam n rinerine. …
Te iango n tiretio e kona naba ni buokiko n ongeaba nakon tuan te itiaki. …
Ngkai ko iango n tiretio, ko na kaitibo ma te kataaki ao te kakaitara n te ota ae boou. …
Ngkai ko iango n tiretio, ao e na rikirake am onimaki. …
Kabwakaakin te kabwianibwai e bon kaota am onimaki, ao e karikirakea naba am onimaki iroun te Atua ao Natina ae tangiraki.
Am rinerine bwa ko na maiuakina ae raoiroi ribuakon te maiu ni kammaira, kabuakaka n tautaeka n te aonnaba e bon karikirakea am onimaki.
E karikirakeaki ara onimaki ngkana ti kabanea riki ara tai i nanon te tembora.