Noorakin ana Utu te Atua n te Taratara ae Bwanin
Te Rongorongo ae Kaeweaki
Ti na kona n taratara n aron ana taratara te Atua e ngae ngke ti maeka i aon ara buraneti aei—n namakina te namakin ae tamaroa aei? I kakoaua bwa ti konaa, rinanon matara n onimaki, ni kanakoraoa ao ni bon taraira ao ara utu ma te kaantaninga ao te kimwareirei. …
… Ibukin Kristo, ao a bane n nakoraoi. Bwaai nako are ngkoe ao ngkoe ao ngkoe kam raraoma iai—a na bane n Nakoraoi! Ao naake a taratara ma te mata n onimaki a kona n namakinna bwa a na bon Nakoraoi ngkai. …
Te bwai ae ti kainnanoia n tabetai bon te nanoanga riki nakon te kaetieti; te kakauongo riki nakon te anga reirei. …
Ti na kanakoraoa ara taratara n tarai reitaki n te utu bwa te bwai ae kororaoi n reireiniira reirei ake ti riai n reiakin n rokora ikai.
Ti na kariaia, n te aonaaba ae bwaka bwa akea te anga ae ko na riki bwa te buu, te karo, te nati te mwaane ke te nati te aine, te tibu, te tia kairiiri, ke te rao ae kororaoi—ma e mwaiti te kawai ae ti kona n riki bwa temanna ae raoiroi. …
Ni boong aika kaitira, tao ara mwakuri ti na maeka ma ara utu aika tangiraki—aomata aika a raraoi aika a maeka n te aonaaba ae buakaka. Ara kaantaninga e bitii aron tarakiia i bon irouia bwa antai raoi ngaiia. Ao rinanon te nooraba n tangira aei, a na nooria bwa antai ae a na riki n ai arona. …
Ao ibukina bwa ngaira ataei n te berita ae tabu, ti kona ni butiia ibukin te namakin n te kaantaninga aei ngkai! …
Te tangira bon te bwai ae kona ni biiti naano. Bon te bwai ae te kabanea n itiaki ibuakon bwaai nako, ao aomata a kona n namakinna. … Ni koauana, naake a rangi n tatangira aomata a totokanikai n taainako! …
Ngai ma Ngkami? Ti kona ni karaoa aei! Ti kona n teimatoa ni waaki nako ma te kaantaninga!