I nanon Kawain Tabeia
Te Rongorongo ae Kaeweaki
I rang ni kakaitau ibukiia mirion kaain te Ekaretia ake n te bong aei a roko nakon te Tia Kamaiu ao ni waaki rake ni kawain te berita. … A kaungaa nanou bwa N na riki bwa te reirei ae e tamaroa riki ami onimaki ae matoa iroun Tamara are i Karawa ao te Uea ae Iesu Kristo ao maiumi aika a aki kamoamoa man tabu.
I tangiri ngkami. I mataaiakini ngkami. I karabwai ngkami. Ao I katekeraoi ngkami.
Te taeka n ana Boki Moomon iroun Tamuera te Reimwanaite e kabwarabwara riki au namakin ibukimi.
“Nooria bwa angiia riki a bon nakonako i nanon kawain tabeia … ao a bon kataia ma te botumwaaka ae aki bwarannano bwa a na uotiia tariia nakon ataakin te koaua” [Ereman 15:5–6; e kairaki ma katuruturuana]. …
Ko tangira ao ko beku, kakauongo ao n reiakini, tararua ao ni karaunano, ao n anga reirei ao ni kakoaua man mwaakan te Tamnei ae Raoiroi. Ko aki toki n aki mamatam ma n tataro, ao a rikirake ni matoatoa ma ni matoatoa riki n aia nanorinano, ma n nene ao n nene riki n onimakinan Kristo, n onrake [tamneim] n te kimwareirei ma te raunnano, eng, n te aro are a itiaki ma ni katabuaki [nanom], ao katabuan nanoia e reke ibukin … anganakin te Atua [nanom]” [Ereman 3:35].
… Ngkami ake kam waaki rake i nanon kawain tabemi n te bong aei bon korakoran ana Ekaretia te Tia Kamaiu ae kaokaki. N aron are E a tia ni beritanna te Uea, “Ni kabane kaintokanuea ao tautaeka, taabo aika tautaekanaki iroun te nati n uea te mwaane ao mwaaka, a na kaotaki ao ni kaakaki i aoia ni kabane ake a teimatoa ma te ninikoria ibukin ana euangkerio Iesu Kristo” [Reirei ao Berita aika Tabu 121:29].