Ikonektar

Bengy R.

13, Providenciales, Turks ug Caicos

batan-ong lalaki ug inahan nga nanghugas sa mga plato

Litrato pinaagi ni Christina Smith

Ako nagpuyo sa usa ka isla. Ganahan ko sa kamatuoran nga daghang isda ug kinhason dinhi. Ako ganahan nga moadto sa baybayon sa init nga mga adlaw—makalingaw kini! Ako ganahan nga mokaon og daghan panahon sa among tinuig nga pagluto og daghan kaayong isda.

Ako sa kasagaran makasulti og Iningles ug Haitian Creole, ug ako nagkat-on og French ug Spanish sa eskwelahan. Ako ganahan nga modula og mga game, motan-aw og anime, ug molangoy.

Ako ganahan nga mopakigbahin sa ebanghelyo pinaagi sa pag-apil sa mga misyonaryo sa ilang mga leksiyon, pagbisita sa mga miyembro sa Simbahan uban sa akong mga lider sa branch, ug pagdasig sa akong mga higala nga moadto sa simbahan. Ako ug ang akong igsoong lalaki miuban aron sa pagbisita kuyog sa presidente sa branch kausa, ug kami nakadungog og singgit.

Kami midagan aron sa pagsusi kon unsay nahitabo ug nakita ang umagad nga lalaki sa usa ka miyembro nga nakuyapan ug nasakitan. Kami mitawag og ambulansiya, ug ang presidente sa branch mihatag kaniya og panalangin sa pagkapari. Kadto nagtudlo kanako nga bisan pa man kon kita wala masayod kanunay kanus-a mahitabo ang malisod nga mga butang, kita sa kanunay mahimong magpabilin nga matinud-anon.

“Bisan pa man kon kita wala masayod kanunay kanus-a mahitabo ang malisod nga mga butang, kita sa kanunay mahimong magpabilin nga matinud-anon.”

And Turks ug Caicos gilangkoban og sobra sa 40 ka gagmay nga mga isla ug puy-anan sa mga isda.

Ang palibot sa kadagatan sama sa init nga kaligoanan—82–84 ka degree F (28–29 ka degree C) sa ting-init.

Ang unang mga miyembro sa Simbahan diha sa isla nabunyagan niadtong 2009.