24 ka Oras

Ni Jessica Zoey Strong ug Kelsey Leigh Fackrell

Mga Magasin sa Simbahan

Ang imong lawas mihimo og daghan alang kanimo sulod sa 24 ka oras. Unsay inyong mahimo alang niini?

Mga paghulagway pinaagi ni Alissa Thaler

Ikonsiderar kini:

Sulod sa 24 ka oras …

Ang imong utok dunay mga 6,000 ka gihunahuna (o mas daghan pa).

Ang imong mga mata mokipat og mga 15,000 ka higayon.

Ang imong kasingkasing mopitik og mga 100,000 ka higayon, nga mobomba og 2,000 ka galon (7,500 ka litro) nga dugo.

Ang imong mga bagâ motabang nimo sa paghimo og mga 20,000 ka pagginhawa.

Ang imong mga tinai ug tiyan naglihok aron motunaw sa pagkaon nga imong gikaon.

Ug tanan kini nahitabo bisan gani og wala nimo kini hunahunaa! Kon ikaw mag hunahuna bahin niini, ang imong lawas makahimo og mas daghan pa.

Sulod sa 24 ka oras ikaw mahimo nga …

• 

  Molakaw og 72 ka milyas (115.873 ka kilimetros), o sama sa gilay-on sa isla sa Okinawa Japan.

• 

  Magdula og 12 ka regulasyon nga soccer (football) nga mga dula.

• 

  Mokanta o mopatukar og tulo ka bersikulo sa Ako Anak sa Dios” sa 640 ka higayon.

• 

  Magluto og 120 ka dosenang cookies.

• 

  Magbasa sa tibuok Basahon ni Mormon (mga 10 ka kapitulo sulod sa usa ka oras).

• 

  Mosakay og kayak nga motadlas og kaduha sa English Channel.

• 

  Motan-aw og 12 ka salida, 36 ka hugna nga salida sa TV, o 2,880 ka mugbong bidyo sa social media.

• 

  Magbisikleta gikan sa Rotterdam, sa Netherlands, lahos a Belgium, diretso sa Paris, France.

• 

  Motan-aw sa tanang sesyon gikan sa milabay nga Abril ug Oktubre nga kinatibuk-ang komperensiya (ug duna pay upat ka oras nga mahabilin!).

• 

  Maminaw sa tibuok 2023 nga musika sa Tema sa Kabatan-onan nga album sa 35 ka higayon.

Karon kinahanglan nga magtininuod kita. Tingali dili ka makahimo (ug dili) mohimo og usa ka butang sulod sa 24 oras nga dirediretso. Apan ikaw makahimo sa pagpili sa paggamit sa imong oras aron makabalos og hatag sa imong lawas nga mihimo og daghan kaayo para nimo. Usa kini ka paagi nga imong ikapakita sa Langitnong Amahan nga ikaw mapasalamaton sa gasa nga Iyang gihatag diha nimo.

Ang Akong Himsog nga 24 ka Oras

Mao nga, duna kay 24 ka oras matag adlaw karong semanaha (ug sa matag adlaw human niana!). Unsaon nimo sa pagtahod ang imong lawas isip usa ka sagradong gasa gikan sa Dios?

Akong Tumong:

Pananglitan: Mogahin og mas maayong pagkatulog.

Paglista og kutob sa tulo ka buluhaton nga imong himoon sulod sa matag 24 ka oras aron makakab-ot sa imong tumong.

1.

Pananglitan: Maminaw sa makaparelaks nga musika sa dili pa matulog.

2.

Pananglitan: Dili na mag-selfon inig ka alas 9:00 sa gabii.

3.

Pananglitan: Likayan ang pagsakay og kayak tadlas sa English Channel kaduha sa usa ka higayon.

Paglabay sa sunod nga semana, markahi kon nakompleto ba nimo ang mga buluhaton nga imong gilista sa ibabaw.

• L

• Ma

• Mi

• H

• B

• S

• D

Kumusta kini? Duna bay butang nga buhaton nimo sa lahi nga paagi sa sunod semana?

Panapos

Samtang atimanon nimo ang imong lawas, mapanalanginan ka sa pisikal ug sa espirituwal nga paagi. Ug mas makahimo ka sa pag-ila sa Espiritu ug sa paghimo sa kabubut-on sa Amahan.

“Wala ba kamo masayod nga ang inyong lawas mao ang templo sa Espiritu Santo nga nagpuyo diha kaninyo? … Busa gamita ang inyong lawas alang sa himaya sa Dios.” (1 Mga Taga-Corinto 6:19–20; tan-awa usab sa Doktrina ug mga Pakigsaad 89).

Ug, sama sa giingon ni Presidente Russell M. Nelson, “Sa paghatag kanato sa gasa sa lawas, ang Dios mitugot kanato nga makahimo og mahinungdanong lakang padulong sa pagkahimong mas mahisama Kaniya” (“Kita Makabuhat og Mas Maayo pa ug Mahimong mas Maayo,” Mayo. 2019 nga kinatibuk-ang komperensiya [Liahona, Mayo 2019, 68]).

Susiha ang Gospel Living nga app karong bulana alang sa pipila ka tip sa pagdumala sa oras ug mga sugilanon!