Mga Pangutana ug Mga Tubag

“Ang akong mga ginikanan kanunayng maglalis. Unsay akong mahimo aron mapaningkamotan ug kanunay nga maanaa ang Espiritu sa among panimalay?”

“Sa mga sitwasyon nga emosyonal kaayo ug napuno sa panagbingkil, ako modapit kaninyo sa paghinumdom ni Jesukristo. Pag-ampo aron makabaton og kaisog ug kaalam sa pagsulti o pagbuhat unsa ang Iyang gusto. Kon sundon nato ang Prinsipe sa Kalinaw, kita mahimong Iyang mga tigpasiugda og kalinaw.”

Presidente Russell M. Nelson, “Gikinahanglan ang mga Tigpasiugda og Kalinaw,” Abr. 2023 nga kinatibuk-ang komperensiya (Liahona, Mayo 2023, 101).

“Sulayi sa paglitok og usa ka pag-ampo alang sa gugma ug kalinaw nga madala diha sa inyong panimalay. Ang Langitnong Amahan kanunay nga anaa sa pagdala sa Espiritu, ug magatudlo Siya kanato unsaon sa pagkahimong mas mahigugmaon. Ang pagpakita ngadto sa imong mga ginikanan nga ikaw dunay sinsero nga paghigugma kanila makapahumok sa ilang mga kasingkasing.”

Ethan D., 17, Texas, USA

“Kon maningkamot kita sa paghimo og mga butang nga makadapti sa Espiritu diha sa atong kaugalingong mga hunahuna ug mga buhat, nagpakita kita og ehemplo alang sa uban. Bisan og ang usa lang ka tawo nagpili sa paghimo og maayo makahimo og kalainan.”

Kelsey L., 17, Missouri, USA

“Mobati ako sa Espiritu Santo kon mag-ampo ko o kon maminaw ko sa musika sa Simbahan alang sa kabatan-onan. Bation usab nako kini kon akong makita ang personal nga mga panalangin sa Langitnong Amahan alang nako. Kon mobati kamo nga lisod nga kanunay nga maanaa ang Espiritu diha sa inyong panimalay, tan-awa ang mga panalangin sa Dios diha sa imong kinabuhi.”

Beckett V., 13, Florida, USA

“Ang nakatabang nako mao ang kanunayng pagpaningkamot sa pagbaton og espirituhanong mga gutlo nga ako ra. Ang pagbasa sa mga kasulatan, pag-adto sa mga kalihokan sa Simbahan, ug sinsero nga pag-ampo nakatabang nako nga makabaton sa Espiritu nga magauban kanako.”

Claudia L., 18, Minden, Germany

“Dihang si Jose didto sa Ehipto, ang iyang maayo nga ehemplo ug katakos mao ang nakapagawas niya sa bilanggoan ug nakatabang sa iyang pamilya ug sa Paraon. Kon gusto kamo nga motabang og tawo nga suod ninyo kinsa anaa sa pakiglalis, ipakita kanila ang Kahayag ni Kristo ug ang Iyang mga baroganan sa paghigugma sa usag usa.”

Seth J., 16, Utah, USA

Ang mga tubag gituyo alang sa pagtabang ug sa panglantaw, dili isip opisyal nga mga pamahayag sa doktrina sa Simbahan.

Unsay Inyong Hunahuna?

“Mibati ko og ka bakikaw sa pagpakigbahin sa akong mga gituohan. Sa unsang paagi nga ako makahimo niini nga mobati nga mas natural?”

Ipadala ang inyong tubag ug litrato sa dili pa ang Mayo 15, 2024.

Pag-email kanamo sa [e-mail]. O adto sa ftsoy.ChurchofJesusChrist.org ug iklik ang “Isumiter ang Inyong Gibuhat [Submit Your Work ].” Mo-sign in gamit ang inyong Account sa Simbahan ug dayon pilia ang “Alang sa Kalig-on sa mga Kabatan-onan” ubos sa “Pagpili og Magasin.” Iklik ang “Magdugang og File [Add File]” aron sa pagpili sa inyong file ug mga litrato, ug dayon iklik ang “Isumiter [Submit]” aron sa pag-upload ug sa pagpadala ngari kanamo sa inyong file.

Ang mga tubag mahimong i-edit alang sa gitas-on o ka klaro.

Pangita og mas daghan pang mga tubag diha sa Gospel Living nga app karon nga bulan!