Direkta sa Punto

Unsa “ang kinaiyanhon nga tawo”?

mga nawong

Diha sa Basahon ni Mormon, si Hari Benjamin nagtudlo “Ang kinaiyanhon nga tawo mao ang usa ka kaaway sa Dios” (Mosiah 3:19). Ang termino nga kinaiyanhon nga tawo naghulagway sa “usa ka tawo kinsa mopili nga maimpluwensya pinaagi sa mga kahilayan, mga tinguha, mga kagana, ug mga pagbati sa unod kay sa pinaagi sa mga pag-awhag sa Balaan nga Espiritu” (Ang Giya ngadto sa mga Kasulatan, “Kinaiyanhon nga Tawo,” Gospel Library).

Tungod sa Pagkapukan ni Adan ug ni Eva, kita natawo niini nga kalibotan nga may lawas nga adunay mga panginahanglan ug mga ganahan. Kita adunay kinaiyanhon nga tinguha nga mopakaon sa atong mga gana ug mangita og mga kaharohay ug mga kalipay sa tanang matang. Apan ang “kinaiyanhon” dili kanunay nagpasabot nga “maayo.” Kon dili nato mapugngan ang atong kinaiyanhon nga mga tinguha—kon ang atong hatagan og pagtagad mao lamang ang kinaiyanhon nga mga butang ug mobaliwala sa espirituhanon nga mga butang—kita mahimong hakog, makasasala, mapintas, ug gahi og kasingkasing.

Aron mabuntog ang kinaiyanhon nga tawo, kita kinahanglan nga matawo pag-usab sa espirituwal pinaagi ni Jesukristo ug sa Iyang maulaong sakripisyo. Kita kinahanglan nga maminaw ngadto sa Balaang Espiritu ug mosunod sa mga sugo sa Ginoo. Kita kinahanglan nga mahimong “ingon sa usa ka bata, manunuton, maaghop, mapainubsanon, mapailobon, puno sa gugma, mauyonon sa pagtugyan” ngadto sa kabubut-on sa Ginoo.(Mosiah 3:19).