Renata B.

12 La Paz, Bolivia

E koronivuli au a vakasaurarataki ka vakacacani ena initaneti . Au a tukuna vei rau na noqu itubutubu na ka a yaco, ka rau vukei au. Ena veisiga au dau masu vua na Tamada Vakalomalagi me baleta e dua na veimaliwai vinaka cake kei ira na noqu itokani ka me‘u na kaukauwa me‘u sotava rawa kina na veika au lako curuma tiko. Au a vakila na vakacegu, ka oqo esa vinaka cake sara mai na veimaliwai. Au sa vulica me‘u vosoti ira na dauveivakararawataki ka me‘u kakua ni yaloca.

Au a sotava eso tale na gauna a vukei au kina na Kalou. Au dau cavuta e dua na masu ni‘u danisi tiko, baleta ni‘u dau yalo nuiqawaqawa. E dau vakacegui au ni‘u vakasamataka na Tamada Vakalomalagi. Au a vakatovotovotaka talega na piano me yacova ni‘u sa rawa ni vakatagitaka e valenilotu. Kevaka mada ga au a sega ni cakava vakavinaka sara, au a solia na noqu igu vinaka duadua ka‘u raica na veivakalougatataki ni Turaga.