Me iSakisaki ni iTabagone
Vakacava kevaka au sega ni rawa ni kaya ni‘u kila ni dina na kosipeli?
Julai 2024

“Vakacava kevaka au sega ni rawa ni kaya ni‘u kila ni dina na kosipeli?,” Me iSakisaki ni iTabagone , Julai 2024.

Ki Utona

Vakacava kevaka au sega ni rawa ni kaya ni‘u kila ni dina na kosipeli?

vakasuasuataki na itei

Kevaka o sega ni vakila ni rawa ni o kaya, “Au kila,” sa donu oya. Tekivu ena veika o vakadinata. Kevaka o sega ni vakadeitaka rawa oya, tekivu ena veika o gadreva mo vakabauta. Qai “vakatara me cakacaka vei iko na gagadre oqo” (Alama 32:27) ka liutaki iko mo cakacaka—mo masu, mo vuli, mo veivutuni, mo veiqaravi. Ni o cakacakataka na vakabauta, raica matua na nomu vakasama kei na veika o vakila. Ni toso na gauna, o na kaya beka ena yalodei, “Au sa vakabauta.”

“Na vakabauta e dua na vosa vakamareqeti, e dua na cakacaka vakamareqeti cake, ka [o] sega ni gadreva mo kere veivosoti ena vuku ni ‘vakabauta walega.’”

Vakamareqeta na dina ni kosipeli o vakabauta. Cakacakataka. Dau yalo dina kina. Ni o vakayacora vakakina, o na vakalougatataki ena Yalo Tabu. Ka rawa ni o na tiko vakacegu ena Lotu se cava ga na nomu ivakadinadina. Me vaka a kaya o Peresitedi Dieter F. Uchtdorf, ena gauna oya–iKarua ni Daunivakasala ena Mataveiliutaki Taumada, “Au sega ni kila e dua na ivakatakilakila ena veikatuba ni noda valenilotu ka tukuna vaqo, ‘Me vaqo na balavu ni nomu ivakadinadina me rawa ni ko qai curu.’”