Domodra na iTabagone

Na Kilakila Mada Sega ni Vakarautaki kei na Masu

Tayana C., yabaki 17, Abidjan, Côte d’Ivoire

iTaba mai vei Ebick Ngoma

Ena dua na gauna sa oti au a lomaocaoca baleta ni‘u a sega ni rawata na maka au a gadreva. Au a vakasamataka sara ka‘u qai kila ni‘u a sega ni cabora tiko na noqu masu se wilika na noqu ivolanikalou. Au sa qai nanuma me‘u wilika na ivolanikalou ka masu ena veimataka. Sega ni dede, sa tekivu me kaba cake vakalalai na kequ maka. Na wiliki ni ivolanikalou kei na masu a vukei au sara ga.

Ena dua tale na gauna, e a vakayacori e dua na kilakila mada e koronivuli ka keimami a sega ni vakavakarau tu kina. Au a sega ni vuli lesoni. E sega ni dua e a vuli lesoni—a vakurabuitaki keimami o qasenivuli. Era sa tekivu lawaki na tamata kecega ena veitarogi. Au na sega ni lasu—au a via lawaki saraga. Ia e dua na ka e a tukuna vei au, “E dodonu mo dabe sobu ka cakava na kena vinaka duadua ena veika o kila.” E a dua na domo malumu dina. Au a lomaocaoca, ka vakaceguya na yaloqu na domo. Au sa mani sega ni rai ki na imawi, se rai ki na imatau. Au sauma na ka au kila. Ka kena itinitini o au duadua ga e a levu na kequ maka. Au marau ni‘u a vakarorogo ki na Yalo Tabu.