Kaukauwa mai na iVolanikalou

Kaukauwa Nodra na Qaqa

Mai vei Brynn Wengler

Mekasini ni Lotu

O ira na tamata qaqa ena iVola i Momani era a gadreva talega na kaukauwa, ka a kena ivurevure o Jisu Karisito. O na rawata vakacava na Nona kaukauwa me vakataki ira na tamata qaqa oqo?

Droini mai vei Jarom Vogel

Nifai: iVakatakila (1–2 Nifai)

A biubiu mai vale, sotava tiko na bolebole ni matavuvale, kei na sotavi tiko ni veika tawakilai e rawa ni dredre. Ia ni biuta na vakabauta ki vua na Turaga, a vulica o Nifai me vakasaqara na ivakatakila ka nuitaka na Turaga me dusimaki koya.

Alama kei iratou na Luvei Mosaia tagane: Veivutuni (Mosaia 27–28; Alama 36)

E taura na kaukauwa mo veivutuni ka tusanaka ni o cala. Ni ra sa sotava oti na ilawalawa itokani oqo e dua na kaci kaukauwa ni veivutuni, era a vuki vei Jisu Karisito ka kunea kina na kaukauwa levu sara. Era a biuta ena yaloqaqa na nodra bula makawa, ka ena vakabauta, era a qarava kina na Turaga ka vukei ira na tani me ra kitaka vakakina. Era a kunea na reki cecere.

Ira na Cauravou Yaloqaqa: Vala ena iValu ni Bula (Alama 53; 56–57)

E tu na veimataqali ivalu ni bula. Ni ra sotava na ivalu na cauravou oqo, era nanuma na veika a vakavulica vei ira na tinadra me baleta na kosipeli ka ra vala “me vaka na kaukauwa ni Kalou” (Alama 56:56).