Veivuke ni Bula

Kato ni Bula Vinaka Vakayalo

Mai vei Marissa Widdison

Mekasini ni Lotu

Oqo eso na ivakasala mo bula vinaka tiko kina vakayalo.

Jisu Karisito

O na rawa beka ni vakasamataka e vuqa na sala me bulabula tu ga kina na yagomu ni ko sa qase cake. O kila ni lomani iko na Tamada Vakalomalagi kei Jisu Karisito ka rau vinakata mo qarauna na yagomu. Kei na “qarauni ni yagomu e oka kina na qarauni ni ituvaki ni nomu vakasama kei na yalomu” (Me iSakisaki ni iTabagone: E Dua na iDusidusi ni Digidigi [2022], 29). Oqo eso na ka o rawa ni cakava mo vukei iko kina vakai iko mo bula vinaka talega vakayalo!

• Talevoni Veikauyaki

  Droini ni iVakatakilakila mai vei Emily E. Jones

  Sema vei ira tale eso. Vakauasivi ni o vakila na rarawa, o na vinakata beka mo tiko taudua. E daumaka oqori ena so na gauna, ia sa ka bibi talega me da tiko vata kei ira na tamata dau veilaveti. Na tiko duadua e voleka ni dau dredre cake kina na vei bolebole eso.

• vosa tovure

  Vakaraitaka na lomamu. Vakatovotovotaka mo dina ena veika o vakila tiko. Veitalanoataka na nomu nanuma ena dua na sala vakatabakidua. E ka dina sara, esa ka vinaka na tagi! Vakasamataka mada na gauna a tagi kina o Jisu (raica na Joni 11:32–35).

• Mona

  Mo kila ni veika e vakilai e wili vaka itukutuku. E dina ga ni ra na rawa ni vakavuna na rivarivabi, na veika e vakilai ena sega ni rawa ni vakamavoataki iko. Tovolea mo kila na vei yalo eso e yacovi iko mai ka saga mo kila na veika era tukuna tiko vei iko.

• peni, penikau, barasi ni boroboro

  Vakatovotovotaka na kila-ka oqo. Ni o rarawa se cudru, vulica mo qarava na ituvaki ni yalo oqori ena sala e vinaka cake. Me ivakaraitaki, e vuqa na tamata era kunea ni dau veivuke me ra taubale, vakarorogo ki na ivakatagi, droini, masu, se volavola ena dua na ivolaniveisiga.

• na vei o eso

  Laiva me basika mai ka lako yani na yalo ni rivarivabi. Vakatabu icegu ka raitayalotaka na kena cirikosova na lomalagi na o, se na drodro sobu ni wai ena dua na uciwai. Vakadinadinataka na nomu vakanananu kei na veika o vakila ka tovolea mo laiva me ra ciri tani yani.

• ivolanikalou

  Vakamareqeta tikoga na yalomu. Na ivolanikalou, serenilotu, masu, lotu—na veika kece oqo ena vukea me vakaqaqacotaka na yalomu, ka na vukei iko mo bula vinaka.

• tavaya kei na ivava ni wai

  Tovolea mo bulabula tu vakayago. Era semati vata na bula vinaka ni yaloda kei na bulabula ni yagoda. Ni ko kana kakana bulabula, moce vakarauta, ka tauyavutaka e dua na ivakarau ni vakaukauwa yago ena vukea me bulabula na yalomu ni o tubu cake tiko.

• gonetagane kei tinana

  Kerea na veivuke ni ko gadreva. Ena so na gauna e gadreva na yagoda na veivuke vakenadau me bulabula ka vinaka cake kina. Na ivurevure eso oqo esa dua na veivakalougatataki mai vua na Tamada Vakalomalagi, o Koya ka vinakata me vukei keda. Ena sala vata ga oqo, eda na gadreva beka na veivuke mai vei ira na vuniwai kei na daunivakasala me bulabula kina na yaloda ena veigauna. Kevaka o vakila ni o rarawa tu ena dua na gauna balavu, se o vakasamataka tiko mo vakamavoataki iko, yalovinaka kerea e dua na uabula me veivukei. E sega ni dodonu mo lako curuma duadua na ka oqo. Dolele yani me baleta na veivakalougatataki taucoko esa vakarautaka tu vei iko na Tamada Vakalomalagi.

Me baleta na ivurevure tale eso, sikova na mentalhealth.ChurchofJesusChrist.org.

Raica na Gospel Living app ena loma ni vula me baleta e vuqa tale na vakasama veivuke me baleta na bula vinaka vakayalo.