Tū’ati

Renata B.

12 matahiti, La Paz, Pōrīvia

feiā ’āpī tamāhine

I te fare ha’api’ira’a, ’o vau te ta’ata fa’a’amihia ’e tei fa’a’ami-natirara-hia. ’Ua fa’ati’a vau i tō’u nā metua i te ’ohipa e tupu nei ’e ’ua tauturu mai rāua iā’u. ’E i te mau mahana ato’a e pure au i te Metua i te ao ra ’ia roa’a i te mau aura’a maita’i ’e tō’u mau hoa, ’e ’ia roa’a te pūai iā’u ’ia fa’aruru atu i te mea tā’u e ora nei. ’Ua putapū vau i te hau ’e i teienei ’ua maita’i mai te mau mea. Tē ha’api’i nei au i te fa’a’ore i te hapa a te feiā fa’a’ami ’e ’eiaha e tāpe’a i te mana’o ’ino’ino.

’Ua fāri’i au i te tahi atu mau ’itera’a i reira tō te Atua tauturura’a iā’u. E pure noa vau ’ia ’āmui ana’e au i roto i te hō’ē heiva ’ori nainai, nō te mea e taiā rahi au. E tāmarū noa te reira iā’u ’ia feruri i te Metua i te ao ra. ’Ua ha’api’i ato’a vau i te fa’ata’i i te piāna ē tae roa ’ua ti’a iā’u e ha’uti i te fare purera’a. Noa atu ’aita vau i rave maita’i roa atu i te reira, ’ua rave au mai tā’u e nehenehe ’e ’ua ’ite au i te mau ha’amaita’ira’a a te Fatu.

Tē ha’api’i nei au i te fa’a’ore i te hapa a te feiā fa’a’ami ’e ’eiaha e tāpe’a i te mana’o ’ino’ino.

Te rahira’a o te feiā nō Pōrīvia e paraparau nei i te reo pāniora, noa atu tē vai nei hau atu i te 30 reo ihotupu mana.

’O La Paz te ’oire pū teitei roa a’e nā te ao nei (fātata 12 000 ’āvae [3 658 m] i ni’a a’e i te miti).

E nohora’a Pōrīvia nō te mau ’ōu’a tārona o te ’ānavai !