Te pūai nō roto mai i te mau pāpa’ira’a mo’a

Te pūai o te mau ’aito

Nā Brynn Wengler

Te mau ve’a a te ’Ēkālēsia

’Ua hina’aro ato’a te mau ’aito o te Buka a Moromona i te pūai, ’e ’o Iesu Mesia te puna nō te reira. Nāhea ’oe i te huti mai i tōna pūai mai tei ravehia e teie mau ’aito ?

Nephi ’e hō’ē taure’are’a

Fa’ahōho’ara’a nā Jarom Vogel

Nephi : Heheura’a (1–2 Nephi)

E riro paha e mea fifi ’ia fa’aru’e i te fare, ’ia fa’aruru atu i te mau tāmatara’a o te ’utuāfare, ’e ’ia fa’aū atu i te ’ite-’ore-hia. Terā rā, ’a tu’u ai ’oia i tōna fa’aro’o i te Fatu, ’ua ha’api’i mai Nephi ’ia ’imi i te heheura’a ’e ’ia ti’aturi i te Fatu nō te arata’i iāna.

Alama ’e te mau tamaiti a Mosia ’e hō’ē taure’are’a

Alama ’e te mau tamaiti a Mosia : Te tātarahapa (Mosia 27–28 ; Alama 36)

E tītauhia te pūai nō te tātarahapa ’e ’ia fa’ari’i ē, ’ua hape ’oe. I muri a’e i tō teie pupu hoa fāri’ira’a i te hō’ē pi’ira’a pūai ’ia tātarahapa, ’ua fāriu atu rātou i ni’a ia Iesu Mesia ’e ’ua roa’a mai ia rātou te pūai rahi. ’Ua vaiiho itoito rātou i tō rātou orara’a tahito ’e ma te fa’aro’o, ’ua tāvini i te Fatu ’e ’ua tauturu ia vetahi ’ē ’ia nā reira ato’a. ’Ua ’itehia mai ia rātou te ’oa’oa rahi.

mau ’aito taure’are’a ’e hō’ē taure’are’a

Te mau ’aito taure’are’a : E ’aro nei i te mau ’arora’a o te orara’a (Alama 53 ; 56–57)

E rave rau huru ’arora’a tō te orara’a. ’A ’aro ai teie mau taure’are’a tamāroa i te mau ’arora’a, ’ua ha’amana’o rātou i tā tō rātou mau metua vahine i ha’api’i ia rātou nō ni’a i te ’evanelia ’e ’ua ’aro ma « te pūai o te Atua » (Alama 56:56).