Parau ’āfaro atu

’E mai te peu e’ita vau e nehenehe e parau ē, ’ua ’ite au e parau mau te ’evanelia ?

e rā’au e fa’ararihia ra i te pape

Mai te mea ’aita te mana’o e tae mai ia ’oe ’ia parau « ’ua ’ite au », e ’ere i te mea fifi. ’A ha’amata nā te mea tā ’oe e ti’aturi nei. ’E mai te mea ’aita ’oe i pāpū maita’i nō te reira, ’a ha’amata nā te mea tā ’oe e hina’aro e ti’aturi. I muri iho « ’a vaiiho i taua hina’aro ’ia tupu i roto ia [’oe] » (Alama 32:27) ’e tei arata’i ia ’oe ’ia rave—’ia pure, ’ia ha’api’i, ’ia tātarahapa, ’ia tāvini. ’A fa’a’ohipa ai ’oe i te fa’aro’o, ’a ha’apa’o maita’i i tō ’oe mau mana’o ’e mau nino’a mana’o. I te roara’a o te tau, e nehenehe ’oe e parau ma te pāpū maita’i : « Tē ti’aturi nei au ».

« Ti’aturi e ta’o faufa’a rahi ïa, e ’ohipa faufa’a rahi atu ā, e ’aita [’oe] e tītauhia ’ia tātarahapa atu ‘’ia ti’aturi noa ra’ ».

’A poihere i te mau parau mau o te ’evanelia tā ’oe e ti’aturi nei. ’A ’ohipa nō te reira. ’A ha’apa’o maita’i i te reira. ’A nā reira ai ’oe, e ha’amaita’ihia ’oe e te Vārua Maita’i. ’E e nehenehe ’oe e ’ite tei te fare ’oe i roto i te ’Ēkālesia, noa atu te huru o tō ’oe ’itera’a pāpū. Mai tā Dieter F. Uchtdorf i parau, e tauturu piti ’oia i te reira taime i roto i te Peresidenira’a Mātāmua : « ’Aita vau i ’ite hō’ē noa a’e ’apa fa’aarara’a i ni’a i te mau ’ūputa o tā tātou mau fare purera’a e parau ra, ‘E ti’a i tō ’outou ’itera’a pāpū ’ia rahi a’e nō te tomo mai’ ».

Fa’ata’ara’a

1. Jeffrey R. Holland, ’Āmuira’a rahi nō ’Ēperēra 2013 (Ensign ’aore rā Liahona, Mē 2013, 94).

2. Dieter F. Uchtdorf, « Te fāri’ira’a i te hō’ē ’itera’a pāpū nō te māramarama ’e te parau mau », ’āmuira’a rahi nō ’Ātopa 2014 (Ensign ’aore rā Liahona, Novema 2014, 22).