Te mau parau nō te orara’a

Tō ’oe ha’amaita’ira’a patereāreha

Tīpe’ehia mai roto mai i te mau a’ora’a o te ’āmuira’a rahi nō ’Ēperēra 2023 nā Elder Kazuhiko Yamashita ’e Elder Randall K. Bennett nō te Hitu ’Ahuru.

Fa’ahōho’ara’a nā Guev Design

• Tei roto te parau a’o o te ta’ata iho a te Fatu nō ’oe.

• 

  E fa’a’ite i tō ’oe huā’a i roto i te ’utuāfare o ’Īserā’ela.

• 

  E pāpa’ira’a mo’a nā te ta’ata iho.

• 

  E mea mo’a ’e te ’ōmo’e.

• 

  ’Aita e vauvau hu’ahu’a i tō ’oe orara’a.

• 

  ’Aita e pāhono i tā ’oe mau uira’a ato’a.

Mai te mea ’aita te reira e fa’ahiti ra i te hō’ē ’ohipa faufa’a rahi e tupu i roto i te orara’a, ’eiaha e fa’aoti ē e’ita ’oe e fāna’o i te reira. E mea mure ’ore te ha’amaita’ira’a patereāreha, ’e mai te peu e ora ti’a mā ’oe, te mau fafaura’a tei ’ore i tupu i roto i teie orara’a e tupu ïa i te orara’a nō muri iho.

Tehea matahiti ’oe e fāri’i ai ?

• ’Ia tano maita’i te pa’ari nō te hāro’aro’a i te aura’a ’e te nātura mo’a o te ha’amaita’ira’a, ’e ’ia māramarama maita’i i te ha’api’ira’a tumu niu o te ’evanelia.

• Te tanora’a mau, te fāito ’āpī ïa ’ia ti’a i te rahira’a o te mau fa’aotira’a faufa’a mau o te orara’a ’ia tae fa’ahou mai.

Te mau ha’amaita’ira’a nō roto mai i tō ’oe ha’amaita’ira’a

« E tai’o pinepine au ’e nā roto i te pure i tō’u ha’amaita’ira’a patereāreha. ’Ua tauturu te reira iā’u ’ia tātarahapa ’e ’ia fa’aha’eha’a iā’u. ’Ia tai’o ana’e au ’e ’ia feruri nō te reira, e hina’aro vau ’ia ora ma te ti’a mā nō te fāri’i i tō te reira mau ha’amaita’ira’a tei fafauhia ».

Elder Yamashita

« ’Ua tauturu tō’u ha’amaita’ira’a patereāreha ’ia fa’arahi i tō’u fa’aro’o ’e tō’u ti’aturi i tō’u Metua i te ao ra ’e i tō’u Fa’aora. ’Ua fa’arahi ato’a te reira i tō’u here nō Rāua—’e te tāmau noa nei ā te reira ».

Elder Bennett

Mai te peu tē fa’aineine ra ’oe ia ’oe nō te fāri’i i tō ’oe ha’amaita’ira’a patereāreha, ’a haere i ni’a te fa’aaura’a rorouira Gospel Living nō te mau fa’a’itera’a e nehenehe e tauturu !