Ang Katawhan ni Nephi Mao ang mga Disipulo ni Kristo

ug mao usab ako

Sa dihang ang nabanhaw nga Manluluwas mibisita sa matarong nga katawhan ni Nephi, Siya midapit kanila nga “mobati sa mga agi sa lansang” diha sa Iyang mga kamot ug tiil. Gusto ni Jesus nga sila masayod nga Siya mao “ang Dios sa tibuok yuta, nga gipatay tungod sa mga sala sa kalibotan” (3 Nephi 11:14). Ang pundok sa katawhan miadto ni Jesus “sa tinagsa-tagsa.” Pagkahuman sa personal nga kasinatian uban ni Jesukristo, ang mga Nephita nasayod nga Siya mao ang gipanagna nga Manluluwas (3 Nephi 11:15). Bisan og si Jesukristo dili pisikal nga nagbarog sa atong atubangan karon, kita makabaton gihapon og lawom nga personal nga kasinatian uban Kaniya.

Sama sa mga Nephita, ako makaduol ngadto ni Kristo, magkat-on diha Kaniya, ug magpalig-on sa akong pagpamatuod kabahin Niya.