Mga Pulong nga Naggiya og Maayong Kinabuhi
Mga Igsoon nga Lalaki ug Mga Igsoon nga Babaye diha ni Kristo
Gikuha gikan sa pakigpulong sa Oktubre 2023 nga kinatibuk-ang komperensiya.
Mga paghulagway pinaagi ni Adam Nickelv
Ang ebanghelyo ni Jesukristo nagtudlo nga kitang tanan mga anak nga lalaki ug mga anak nga babaye sa langitnong mga ginikanan kinsa tinud-anay nga nahigugma kanato. Kitang tanan adunay balaanong kinaiya, kabilin, ug potensiyal.
Isip mga disipulo ni Kristo, kita gidapit sa pagpalambo sa atong hugot nga pagtuo sa, ug gugma alang sa, atong esprituhanon nga panag-inigsoonay.
Ang kahayag sa bag-ong adlaw mas mosanag pa sa atong mga kinabuhi kon atong tan-awon ug tagdon ang atong mga isig ka tawo uban ang pagtahod ug kaligdong ug isip tinuod nga mga igsoon nga lalaki ug mga igsoon nga babaye diha ni Kristo.
Atol sa Iyang yutan-ong pangalagad, si Jesus hingpit nga mipakita og ehemplo niini nga baroganan.
Walay luna ang mga mahusgahon nga panghunahuna o mga aksiyon diha sa komunidad sa mga Santos.
Kita gidapit nga molakaw nga magdungan, malinawon, nga ang atong mga kasingkasing napuno sa gugma ngadto sa Dios ug sa tanang tawo.
Hinaot nga matagamtaman nato ang dugang nga espirituhanong relasyon nga anaa tali kanato ug ang bili sa lainlaing mga hiyas ug nagkalainlaing mga gasa nga ania natong tanan.