Mahadlok sa Paghinulsol?

Jessica Zoey Strong

Mga Magasin sa Simbahan

Sumala ni Presidente Russell M. Nelson, ania kon nganong dili kamo angay nga mahadlok.

Unsa man ang inyong gikahadlokan.? Mga Rollercoaster? Klase sa Math? Naningkamot nga makasabot sa Isaias?

Ang paghinusol kaha? Kon ang paghunahuna sa paghinulsol makapahimo kanimo nga magbukot o mokaon og maayo og tsokolate, kini nga artikulo alang kanimo.

“Palihog ayaw kahadloki o langaya ang paghinulsol,” miingon si Presidente Russell M. Nelson. Ug sa maayo nga rason. Ania ang pipila ka mga butang nga ang paghinulsol mao ug dili mao, sumala ni Presidente Nelson.

Mga Paghulagway pinaagi ni Corey Egbert

Ang Paghinulsol: Alang sa tanan.

Ang Paghinulsol DILI: Lang alang sa “daotan” nga mga tawo.

“‘Ang tanan ba kinahanglan maghinulsol?’ Ang tubag oo.”

“Ang paghinulsol gikinahanglan sa tanang tawo nga adunay tulobagon kinsa nagtinguha og mahangtoron nga himaya. Walay mga eksepsiyon. … Ang paghinulsol mao ang yawesa kalamboan.”

Ang Paghinulsol: Usa ka paagi sa paglambo matag adlaw.

Ang Paghinulsol DILI: usa ka talagsa ra nga panghitabo sa “dagkong” mga sala.

“Sinatia ang makapalig-on nga gahom sa matag-adlaw nga paghinulsol—sa pagbuhat ug mahimong mas maayo matag adlaw.

“Kon kita mopili nga maghinulsol, kita mopili nga mag-usab! Atong tugotan ang Manluluwas nga mousab kanato ngadto sa labing maayo nga bersyon sa atong mga kaugalingon. …

“… Ang Ginoo wala maglaom og kahingpitan gikan kanato niining puntoha sa atong mahangtorong pag-uswag. Apan Siya naglaom gayod nga kita mag-anam-anam og kaputli.”

Ang Paghinulsol: Usa ka paagi sa pagbati og kalinaw ug hingpit nga kalipay.

Ang Paghinulsol DILI: Mohimo kanimo nga mobati og kaulaw ug kahadlok.

“Ang paghinulsol … mao ang yawe sa kalipay ug kalinaw sa hunahuna. …

“Kon kita mopili nga maghinulsol, … kita mipili sa paglambo sa espirituhanong paagi ug sa pagdawat og hingpit nga kalipay—ang hingpit nga kalipay sa katubsanan diha ni [Jesukristo].” (Tan-awa usab sa Alma 36:17–23.)

Ang Paghinulsol: Usa ka panalangin gikan sa Langitnong Amahan ug sa Manluluwas, nga nagmahal kanato.

Ang Paghinulsol DILI: Usa ka silot.

“Daghan ra kaayo ang nagkonsiderar sa paghinulsol isip silot—usa ka butang nga likayan gawas lang sa labing seryuso nga mga sirkumstansya. Apan kining pagbati nga gisilutan hinimo-himo ni Satanas. Siya mosulay sa pagpugong kanato sa paghunahuna kang Jesukristo, kinsa nagbarog nga andam mogakos, malaomon ug andam nga moalim, mopasaylo, mohugas, mopalig-on, molimpyo, ug mobalaan kanato.”

Ikaw: Gikinahanglan diha sa Simbahan sa Ginoo.

Ikaw Dili: Layo ra kaayo para maghinulsol.

“Kon mibati kamo nga natipas sa dalan sa pakigsaad nga layo na kaayo o dugay na ug walay paagi nga makabalik, klarohon nako nga kana dili tinuod. Pinaagi sa Pag-ula ni Jesukristo, ang imong umaabot mahimong hayag—gani sanag. Pakig-istoyahi ang inyong ginikanan ug ang inyong bishop o presidente sa branch. … Palihog, balik ngadto sa hingpit nga kalipay ug kahilwasan sa dalan sa pakigsaad. Kami nagkinahanglan kaninyo uban kanamo.”

Dawata ang Hingpit nga Gasa sa Dios

Busa, andam ka ba sa pagsalig sa Manluluwas sa pagbuntog sa imong kahadlok sa paghinulsol? Dili ka magmahay niini.

Si Presidente Nelson miingon: “Tungod ang kalibotan nagkinahanglan og pagluwas, ug tungod ikaw ug ako nagkinahanglan og pagluwas, gipadala sa [Langitnong Amahan] kanato ang usa ka Manluluwas.

“… Dawaton nato ang hingpit ug bililhon nga gasa sa Dios. Atong itugyan ang atong mga kabalaka ug mga sala sa tiilan sa Manluluwas ug makasinati sa hingpit nga kalipay nga moabot gikan sa paghinulsol ug pag-usab.”

Kon ikaw nanglimbasog sa pagkahibalo kon ikaw ba gipasaylo human nga ikaw naghinulsol, basaha kini nga artikulo.

Mubo nga mga Sulat

1. Russell M. Nelson, “Ang Gahom sa Kadasig sa Espirituhanong Paglambo,” Abr. 2022 nga kinatibuk-ang komperensiya (Liahona, Mayo 2022, 98).

2. Russell M. Nelson, “Kita Makabuhat og Mas Maayo pa ug Mahimong mas Maayo,” Abr. 2019 nga kinatibuk-ang komperensiya (Liahona, Mayo 2019, 67).

3. Russell M. Nelson, “Ang Gahom sa Kadasig sa Espirituhanong Paglambo” (98).

4. Russell M. Nelson, “Kita Makabuhat og Mas Maayo pa ug Mahimong mas Maayo” (67–68).

5. Russell M. Nelson, “Kita Makabuhat og Mas Maayo pa ug Mahimong mas Maayo” (67).

6. Russell M. Nelson, “Kita Makabuhat og Mas Maayo pa ug Mahimong mas Maayo” (67).

7. Russell M. Nelson, sa “Worldwide Day of Testimony: I Can Do All Things through Christ,” broadcasts.ChurchofJesusChrist.org.

8. Russell M. Nelson, Instagram, Dec. 24, 2021, instagram.com/russellmnelson.