Ինչպե՞ս համաժողովը ավելի նշանակալի դարձնել ձեզ համար
Փորձեք այս երեք գաղափարները` համաժողովն ավելի նշանակալի փորձառություն դարձնելու համար:
Գերագույն համաժողովը մոտենում է, և այն միտված է ունենալ ազդեցություն, որը տևում է համաժողովից հետո: Այս երեք խորհուրդները կարող են համաժողովը ավելի նշանակալի դարձնել ձեզհամար.
1. Պատրաստվեք հոգևորապես
Մինչև գերագույն համաժողովը դուք կարող եք նախապատրաստել ձեր հոգին այնպիսի հասարակ բաներով, ինչպիսիք են` սուրբ գրությունների ուսումնասիրությունը և անկեղծ աղոթքը: Դուք կարող եք նույնիսկ սոցիալական լրատվամիջոցներից ծոմ պահել և հատուկ ճամփորդություն կատարել դեպի տաճար: Հոգևորապես նախապատրաստվելով՝ կօգնեք ձեզ զգալ Սուրբ Հոգու առաջնորդող ազդեցությունը:
2. Մտքում հարց ունեցեք
Ի՞նչն է վերջերս զբաղեցնում ձեր միտքը: Գուցե դուք կարևոր որոշում պետք է կայացնեք, որևէ ընտանեկան հոգս կամ ավետարանական հարց ունեք: Աղոթեք Երկնային Հորը դրա վերաբերյալ և ուշադիր լսեք գերագույն համաժողովը՝ առաջնորդության համար:
Կարդացեք անցած տարվա՝ Ջեյմսի ունեցած փորձառության մասին։
Երբ համաժողովը մոտեցավ, ես ցանկացա իմանալ, թե ինչպես կարող էի ավելի լավ օգտագործել Քրիստոսի Քավությունը իմ կյանքում: Ես աղոթքով խնդրեցի Երկնային Հորը օգնել ինձ լսել Հոգուն, իմանալ թե ինչպես կատարել ավելի լավ ընտրություններ և ներում ստանալ իմ սխալ ընտրությունների համար:
Երբ խոսում էր երեց Դիտեր Ֆ. Ուխդորֆը, սա գրավեց իմ ուշադրությունը.
«Այն պահին, երբ դուք որոշեք վերադառնալ և քայլել մեր Փրկչի ու Քավիչի ճանապարհով, Նրա զորությունը կմտնի ձեր կյանք, և դուք կվերափոխվեք»։
Ես իմացա, որ սա այն էր, ինչ Տերը կամենում էր, որ ես լսեի, և ես կարողացա զգալ, որ Հոգին վկայում է ինձ դրա ճշմարտացիության մասին: Նախապատրաստվելով և մտքումս ունենալով հարցը, ես կարողացա ստանալ անձնական պատասխան իմ աղոթքներին:
Ջեյմս Մ., 16 տարեկան, Նորթ Դակոտա, ԱՄՆ
3. Կիրառեք որևէ սկզբունք կամ հրավեր
Լսեք մի ուսմունք կամ սկզբունք, որն ընդգծվեց ձեզ համար: Ապա նպատակ դրեք՝ կիրառելու դրանք ձեր կյանքում: Դուք կարող եք նաև ուշադիր լսել մարգարեների և առաքյալների անմիջական հրավերները: Գրի առեք և աշխատեք այդ հրավերներից առնվազն մեկի վրա: Հավատքով գործելը կօգնի ձեզ զգալ մարգարեական ուսմունքների ճշմարտությունն ու զորությունը: