Երիտասարդների ձայները
Իմ սննդային խանգարումն ընդդեմ իմ ճշմարիտ ինքնությանը
Երկար ժամանակ ես պայքարում էի սննդային խանգարման դեմ, որը կոչվում է նյարդային անորեքսիա, երբ դուք ավելի ու ավելի քիչ եք ուտում և անհանգստանում գիրանալու մասին: Դա ազդում է ձեր մտավոր վիճակի վրա, դուք սկսում եք մեղավոր զգալ ուտելու համար և չեք հասկանում ձեր մարմնի պահանջները: Չէր օգնում այն, որ ես անընդհատ անիրատեսական չափանիշներ էի տեսնում առցանց կամ դպրոցում, և ես ինձ համեմատում էի իմ ընտանիքի և շրջապատի մարդկանց հետ:
Իմ սննդային խանգարումները որոշակիորեն մի բան էր, որը ես թաքցնում էի: Բայց մայրիկս նկատեց իմ սննդային սովորությունների փոփոխությունը: Նա նստեց ինձ հետ և հատկացրեց ինձ այնքան ժամանակ, որքան անհրաժեշտ էր, որ պատմեի նրան, թե ինչ էր կատարվում: Շատ արցունքներ թափվեցին, բայց կարծում եմ Հոգին օգնեց` առաջնորդելով նրան, հասկանալ, որ ինձ օգնություն էր հարկավոր: Միասին մենք ծրագիր կազմեցինք և սկսեցինք զգուշորեն աշխատել դրանով:
Այդ ժամանակաընթացքում ես նաև որոշեցի հայրապետական օրհնություն ստանալ: Ես ուզում էի իմանալ, թե ինչպիսին կարող է լինել իմ կյանքը այն խավարից դուրս, որում ես ապրում էի: Ես սկսեցի Աստծուն հարցնել. «Ո՞վ եմ ես», «Սիրո՞ւմ ես ինձ» և «Ինչո՞ւ եմ ես այստեղ»: Առաջին բանը, որ ասաց հայրապետը այդ հարցերի պատասխաններն էին: Իմ օրհնությունն օգնում է ինձ իմանալ իմ ճշմարիտ ինքնության և- այն մասին, թե ինչ է Աստված պատրաստել ինձ համար: Երբ կարդում եմ այն, ես զգում եմ Փրկչի սերը իմ հանդեպ և հիշում, թե ինչ կարող եմ դառնալ Նրա հետ:
Նույնիսկ իմ հայրապետական օրհնության, իմ ընտանիքի, իմ Երկնային Հոր, իմ Փրկչի աջակցությամբ, երկար ժամանակ պահանջվեց վերամշակելու այն զգացողությունները, որոնք ես ունեի իմ մարմնի վերաբերյալ: Ինձ համար դեռևս դժվար է ինձ ընդունել այնպիսին, ինչպիսին կամ և ինչպիսին իմ տեսքն է: Բայց իմ մութ ժամանակների շնորհիվ ես սկսում եմ գնահատել աճը և լույսը, որը գալիս է իմ իսկական ինքնության գիտակցումից: Ես Երկնային Հոր դուստրն եմ: Ես Հիսուս Քրիստոսի աշակերտն եմ: Նրանք նայում են ինձ սիրով և խրախուսանքով, և դա ավելի կարևոր է, քան ուրիշ որևէ մեկի կարծիքը:
Անալիս Բ., 17 տարեկան, Ջորջիա (ԱՄՆ)
Բավականություն է ստանում հիվանդանոցային պրակտիկայի աշխատանքից և արվեստի գործեր ու երաժշտություն ստեղծելուց՝ Աստծուն և Նրա ստեղծագործությունները փառաբանելու համար: